Цæгат Ирыстоны фыссынц æппæтуæрæсеон географион диктант. Кæй фæндыд, уыдон сæ зонындзинæдтæ бæрæг кæнынц 27 октябры, боны 12 сахатыл.
Диктант саразтой Цæгат Ирыстоны паддзахадон университеты бындурыл. Ахуырадон акци ацæуддзæн 5 хатт. Бацархайыны фадат дзы ис се ’ппæтæтæн дæр.
Диктант конд у 4 вариантæй: иу вариант Уæрæсейы æмæ фæсарæйнаг бæстæты цæрджытæн, иннæ онлайн хуызы, æртыккаг – цæстæй æвзæр чи уыны, уыдонæн, цыппæрæм та, – демонстрационный кæй хонынц, ахæм.
Варианттæ уыдзысты уырыссаг æмæ англисаг æвзæгтыл. Бафтаудзыстæм ма уый æмæ фыццаг географион диктант уыд 2015 азы. Ивгъуыд азы диктант ныффыстой дунейы 97 бæстæйы. Цыппар азмæ географион диктант ныффыстой 900 мин адæймаджы.