Цæгат Ирыстоны Паддзахадон университеты студенттæ абонæй фæстæмæ ахуыр кæндзысты фæсаууонмæ. Уый тыххæй бардзырд бафыста Уæрæсейы ахуырад æмæ наукæйы министрад.

Ахæм уынаффæ рахастой коронавирус ма руадзыны тыххæй. Дистанцион ахуырады технологитæй спайда кæныны фæдыл универститеты сарæзтой куыстадон къорд, йæ сæргъы Огъуаты Алан афтæмæй. Профилактикон мадзæлттæ ахуырадон фæтк нæ бауромдзысты, æрмæст студенттæ ахуыр кæндзысты ног хуызы. Ахуыры уагæвæрды тыххæй ивддзинæдтæ фенæн ис Цæгат Ирыстоны Паддзахадон университеты официалон сайты, социалон къордты æмæ хызæгты.

Раздæр коронавирусæй тæссаг кæй у, уый тыххæй университет фæсарæйнаг студентты æрбацыд аргъæфта, кусджытæн та нæй командировкæты цæуыны бар. Университеты уæлдай æргом здахынц санитарон уавæрмæ, бæстыхæйтты аразынц дезинфекци.