Цæгат Ирыстоны Хетæгкаты Къостайы номыл паддзахадон университеты экономикæ æмæ управленийы факультеты студенттæн сарæзтой фембæлд сæрмагонд хæстон операцийы архайджытимæ.
Сæхи тыххæй радзурын æмæ студентты фæрстытæн дзуапп раттынмæ æрбацыдысты Анастасия Кузнецова – СХО-йы архайæг, майдантæ «Участнику специальной военной операции», «За укрепление боевого содружества», «За воинскую доблесть»-æй хорзæхджынгонд, Александр Шиманов – лейтенант, 19-æм мотострелковый дивизийы хайады офицер, Татьяна Днепровская – Уæрæсейы хъайтар Андрей Днепровскийы мад.
Уазджытæ дзырдтой сæ службæйы ирддæр цаутыл, сæрмагонд операцийы цыды цы зындзинæдтæ баййæфтой уыдоныл æмæ се сгуыхтытыл, хæстон фæндаг цæмæн равзæрстой æмæ профессионалон æгъдауæй куыд рæзынц, уый тыххæй.
Ахæм фембæлдтæ аразын тынг ахсджиаг у. Нæ хæс кæй у, цæмæй нæ Фыдыбæстæ чи хъахъхъæны, уыдоны ном рохуаты макуы уа æмæ нæ зæрдыл дарæм нæ бæстæйы историон ивгъуыд.
Мадзал сарæзтой ЦИПУ-йы цур РЦИ-Аланийы экстремизмæй бахизыны центр рухсадон-патриотон проект «Победили тогда, победим и сейчас»-ы фæлгæтты.
