Цæгат Ирыстоны Хетæгкаты Къостайы номыл паддзахадон университеты делегаци, йæ сæргъы ректор Огъуаты Аланимæ, ацыдысты Арменийы Республикæмæ уæлдæр ахуырадон уагдæтты ‘хсæн ахастдзинæдтæ фидар кæныны фæдыл.
Ереванмæ чи ацыд, уыцы делегацийы уæнгтæ уыдысты ЦИПУ-йы фæсивæдон политикæ æмæ административон куысты ректоры хæдивæг Кокайты Алан, историон факультеты декан Плиты Зæлинæ æмæ экономикæ æмæ разамынды факультеты декан Геннадий Родионов.
Фыццагдæр бабæрæг кодтой наукæ æмæ культурæйы Уæрæсейаг центр. Уым делегаци сæмбæлд Республикæ Арменийы Уæрæсеимæ æмгуыстады разамонæджы хæдивæг Екатеринæ Андрееваимæ. Æрныхас кодтой университеты архайдыл Арменийы Уæрæсейы æмгустады мадзæлттæ æмæ грантон конкурсты.
Ереваны Огъуаты Алан сæмбæлд Уæрæсейы минæвар Сергей Копыркинимæ, дзырдтой уæрæсейаг æмæ сомихаг уæлдæр ахуырадон уагдæтты æмахастытыл, сæрмагонд цæстдард æрцыд Цæгат Ирыстоны уæлдæр ахуырадон уагдæтты сомихаг студентты ахуыр кæныны гæнæнтæм.
ЦИПУ-йы делегаци бабæрæг кодтой Уæрæсейаг-сомихаг университет, уазджытæн сарæзтой зонадон экскурси наукон лабораториты, спортивон комплексы æмæ ахуырадон корпустыл. Ректор Эдвард Сандоянимæ фембæлды ныхас цыдис ахуырадон уагдæтты ‘хсæн культурон æмæ ахуырадон æмгуысты фæдыл, фæнысан кодтой саразын алыхуызон иумæйаг мадзæлттæ. Сæ хыгъды наукон æмгуыстад, студентты ахуыр кæнынмæ æрвыст кæрæдзи университеттæм æмæ дыгай дипломты программæтæ, æвзагон æмæ гуманитарон æмгуыстад, ИТ æмæ цифровизацийы хайады æмгуыстад, практикон цæттæдзинад æмæ студентты стажировкæ, публикацион дæсныйад.
Кæронбæттæн фембæлды скæсæнзонынады Институты директор Гарик Асатрянимæ æрдзырдтой университетты ‘хсæн скæсæнзонынадæй æмгуысты пъланыл. Фембæлды архайджытæ дзырдтой фидæны гæнæнтыл наукон уацты æмбырдгонд «Armeno-Alanica»-ы уырыссаг æвзагыл рауадзынмæ, студентты ахуырадон мобилондзинад – ЦИПУ-йы бакалавртæ, иумæйаг ахуырадон программæ бакалавриатæй бацæттæ кæнын «Арменизонынад æмæ иранистикæ», Цæгат Ирыстоны университеты студентты æвзагон æмæ этнографион практикæтæ бацæттæ кæнын.