ЦИПУ-йы Æфсæддон ахуырадон центры курсанттæ Тарскæйы пъалигоны цæуынц æфсæддон ахуырадон æмбырдтæ. Уым сын ис интенсивон программæ – æхст æмæ медицинæйæ суанг топографийы онг. Уым æрмæст ахуыр нæ кæнынц – уым æвзæрынц фидæны сержанттæ æмæ офицертæ.
Æфсæддон цæттæдзинадæн ис цалдæр фæзилæны:
Тактикон медицинæ – карз тохы уавæры цыбыр рæстæгмæ фыццаг медицинон æххуыс бакæнын, цæф æфсæддонты хæсты быдырæй раласын, сæ цæфтæ сын бабæттын.
Æхсынæй цæттæдзинад – курсанттæ зонгæ кæнынц хæцæнгарзы алы хуызтимæ, ахуыр кæнынц раст æхсыны уагæвæрдтæ, сæхи фæлварынц æхсынæй хæстон пъалигоны.
Хæстон топографи – бынаты раст сарæхсыны бындурон зонындзинæдтæ базонын, раст кæсын картæтæ, компасимæ кусын æмæ æнæзонгæ бынаты фæндаг раст агурын.
Рæнхъы лæууынæй цæттæдзинад – дисциплинæйыл кусын, командон удварн æмæ уагæвæрдтæ иттæг хорз æххæст кæнын.
Уæлдай цæстдард цæуы тактикон цæттæдзинадмæ – штурмон хайады æмрæнхъ архайын, ныббырст æмæ хъахъхъæнынады уавæртыл кусын.
Физикон фæразондзинад æмæ техникон зонындзинæдтæй уæлдай ма пограммæйы сæйраг бынат ахсы фидæны офицерты адæймагон миниуджыты райрæзт: ныфсхаст, хиуылхæст, фидар æмæ æнæфæцудгæ уæвын.
Уый у, фидæны нæ бæстæйы æдасдзинад аразæг курсанттæй офицертæ æмæ сержанттæ суæвыны сæйраг этап.
