Цæгат Ирыстоны Хетæгкаты Къостайы номыл паддзахадон университеты медицинон факультеты студенткæ Хъараты Сæлимæйы проект нысангонд у экологион æгъдауæй æдас чи у, ахæм тыхтон саразынæн æмæ рамбылдта VI грантон конкурс «Студенческий стартап».
Наукон проекты нысан уыдзæн, крахмалы бындурыл, алыхуызон пластификаттæ æфтаугæйæ, хигъдауæй батайæн тыхтонтæн баиу саразын æмæ йæ уадзыны технологийыл бакусын. Пайдагонд цæудзæн хæринаджы продукттæн: кърупатæ, кастæ, спортивон хæринæгтæ æмæ дзæбæхгæнæн кæрдæджытæй арæзт тагъдцæттæгæнæн нозтытæн.
Тыхтоны сæйраг æууæл у – нæ алфамбылай æрдзы экологион æдасдзинад. Фæлмæй пайда кæндзысты хус продукттæ бафснайынмæ, се скондыл никуыд ахаддзæн æмæ доны батайдзæн.
Тыхтоны хигъдауæй доны батайынад зынгæ фæкъаддæр кæндзæн быроны бæрц, уый та экологийæн уыдзæн тынг пайда.
Проект æххæстгонд цæудзæн ЦИПУ-йы фундаменталон медицинæйы кафедрæйы доцент химийы наукæты кандидат Саламаты Наталья æмæ фундаменталон медицинæйы кафедрæйы сæргълæууæг, фармацевтикæйы наукæты кандидат Царахаты Ларисæйы разамындæй. Гранты бæрц у 1 милуан сомы.
Студентка СОГУ получила грант на разработку экологичной упаковки, растворимой в воде