Терроризмы ныхмæ Æхæнадæмон культурон-патриотон центр «Беслан школа № 1»-ы ацыд Цæгат Ирыстоны Хетæгкаты Къостайы номыл паддзахадон университет, Хъæрæсе-Балхъары паддзахадон университет æмæ Дагестаны паддзахадон университеты студентты ‘хсæн фембæлд. Мадзал бацæттæ кодтой уæлдæр ахуырадон уагдæтты Координацион центртæ æмæ ацыд хæццæ форматы: ДПУ-йы минæвæрттæ архайджытæм рацыдысты телемостæй.
Делегацийæн сарæзтой лæмбынæг экскурси мемореалон комплексы. Студентты базонгæ кодтой террористон акты фæдфæдыл хронологиимæ, æрзылдысты кълæстыл æмæ спортивон залыл, федтой къамтæ, дзаумæттæ æмæ трагедийы фæдтæ. Экпонаттæй алкæцы дæр уазджытæн сæ зæрдыл æрмæст ивгъуыд цаутæ не ‘рлæууын кодта, фæлæ сси карз фæдзæхст, цæмæй ахæм цау мауал æрцæуа.
Архайджыты зæрдæтæ уæлдай тынг бацагайдта уацары уæвæг Туаты Эльвирæйы радзырд. Уый дзырдта беслæйнаг бинонты тыхстыл, спецназ, ныййарджытæ æмæ сывæллæтты хъæбатырдзинадыл.
ЦИПУ-йы ахуырадон-методикон здæхтимæ Координацион центры разамонæг Дзахаты Ларисæ загъта, экскурси зæрдыл кæй æрлæууын кодта, терроризм цы трагедитæм æрцæуы. Фæнысан кодта студенттимæ æргом æмæ æнæфæлывд ныхас: ахæм мадзæлттæ фæсивæдмæ гуырын кæнынц æдасдзинады фæрстытæ, æххуыс сты æртхъирæны гæнæнтæ æмæ адæмаджы дунейы тæссондзинад бамбарынæн.
Урок памяти: студенты СОГУ, КБГУ и ДГУ почтили жертв трагедии в Беслане