Цæгат Ирыстоны Хетæгкаты Къостайы номыл паддзахадон университеты æртхъирæны мæйы 10 æмæ 11 бонты ацæудзæн æрвылазон Æхсæнадæмон скъола-конференци «Кавказ в его прошлом и настоящем: история, археология, культура». Нысангонд у Уæрæсейы академион зонæдты Бонæн.
Конференци райдайдзæн æртхъирæны боны 10 бон 11 сахатыл ЦИПУ-йы Ахуыргонд советы залы.
Конференци арæзт цæуы Цæгат Ирыстоны Абайты Васойы номыл гуманитарон æмæ социалон иртасæнты институтимæ иумæ. Уыдзæн дзы институты ахуыргæндты лекцитæ æмæ мастер-класстæ. Стæй та секцион æрбадтытæ.
Скъола-конференцийы архайдмæ хуынд цæуынц сæ куыстытæн профессионалон бæрæггæнæн райсынмæ тырнæг æрыгон ахуыргæндтæ, аспиранттæ æмæ студенттæ. Конференцийы кæрон эксперттæ ркомендаци ратдзысты уацтæн наукон журнал «Известия СОИГСИ. Школа молодых ученых» æмæ журнал «KAVKAZ-FORUM»-ы мыхуыры рауадзынмæ.
Скъола-коференцийы сæрмагонд фæзилæнтæ:
– Этногенетикон æмæ этнокультурон процесстæ Цæгат Кавказы территорийыл рагзамантæ æмæ астæуккаг æнусты дуджы;
– Археологион, историон-культурон æмæ документалон бынты равзæрст æмæ бахъахъхъæд;
– Кавказы разагъды иртасджыты наукон бынтæ æмæ кавказзонынадмæ сæ историон-этнографион бавæрæн;
– Этникон культурæ социалон ивддзинæдты æмæ æддагон æндæвдады контексты;
– Социалон-культурон механизмтæ Цæгат Кавказы уæрæсейаг паддзахад æмæ æппæтуæрæсейаг æууæлтæ аразынæн;
– Нырыккон политикон, социалон æмæ культурон процесстæ Цæгат Кавказы регионты.
Скъола-конференцийы куысты архайыны фæдыл регистрацион картæ Оргкомитет исдзæн 2026-æм азы æртхъирæны мæйы 5-æм бонмæ soigsi.conf@mail.ru –мæ барвитгæйæ.
Бафæрсæн ис телефонæй:
+7 (8672) 53-13-27; 8 -919-421- 00-81 – Гуытъиаты Шамилы чызг Эльвирæ
тел./факс: 8(8672) 53-69-61
электрон пост:
soigsi.conf@mail.ru;
В СОГУ пройдет международная школа-конференция молодых ученых по истории Кавказа