Цæгат Ирыстоны Хетæгкаты Къостайы номыл паддзахадон университет ныммыхуыр кодта историон зонæдты доктор æмæ иумæйаг историйы кафедрæйы сæргълæууæг Дудайты Альберты монографи «Россия и Южный Кавказ (1991–2025): институты, коридоры и безопасность». Ног рауагъды æвзæрст цæуынц, фæссоветон дуджы Хуссар Кавказы рæзтæн цы политикон процесстæ арæзтой, уыдон æмæ регионы нысаниуæг абон Уæрæсейæн.
Чиныджы æвзæрст цæуынц æдасдзинады фæрстытæ, дунеон ахастдзинæдтæ, транспортон æмæ энергетикон фæндæгты рæзт, стæй Хуссар Кавказы тыхы æмуæзад ивгæ кæй цæуы, уый. Автор æвдисы регион куыд ахсджиаг фæзуат, Уæрæсе, Турк, Иран, Евроцæдис æмæ АИШ-ы интерестæ кæм æмбæлынц æмæ æвдисы, йæ нырыккон боны фæтк цы процесстæ аразынц, уыдонмæ цæстæнгас.
Монографийы уæлдай æргом здæхт цæуы «Цæгат-Хуссар»-ы æхсæнадæмон транспортон фæндагмæ. Ацы контексты Хуссар Кавказмæ кæсынц, куыд Уæрæсейы Æввахс Скæсæны æмæ Хуссар Азийы бæстæтимæ чи иу кæны, ахæм сæйраг уæнг. Бæрæггонд цæуы Цæгат Ирыстоны стратегион ахадындзинад, куыд арæнгæрон регион, нырыккон транспортон æмæ геополитикон бастдзинæдты системæйы æнæмæнг хъæугæ бынат ахсгæйæ.
Ацы рауагъд цымыдисаг уыдзæн истори, æхсæнадæмон ахастытæ, политологи æмæ регионалон зонæдты специалисттæн, стæй нырыккон æхсæнадæмон процесстæм хъус дарæг кæсджытæн. Ацы монографийы рауагъд у нысаниуæгджын цау ЦИПУ-йы академион царды æмæ бæлвырд кæны университеты иртасæн куыст кæй цæуы нырыккон фарстатыл, уый.
В Северной Осетии вышла книга о значении Южного Кавказа для России