Ахуырад æмæ наукæмæ цæстдарды федералон службæ (Рособрнадзор) сбæлвырд кодта, Цæгат Ирыстоны паддзахадон университеты магистратурæйы программæ «Градостроительство», профиль «Управление пространственным развитием городов» ахуырады хæрзхъæддзинадæн ныффидаргонд аккредитацион критеритæм гæсгæ дзуапп кæй дæтты.
Аккредитацион экспртизæ сарæзты фæстиуджытæм гæсгæ, кæцыйы сконды уыдысты университеты электрон ахуырадон уавæры анализ, федералон ахуырадон стандарттæн дзуапп чи дæтты, ахæм академион къæпхæнтæ æмæ нæмттæ кæмæн ис, ахæм ахуыргæнджыты хай, стæй ахуырады хæрзхъæддзинады мидæггагон аргълæвæрды системæйы реализацийы фæстæ, Рособрнадзор рахаста уынаффæ паддзахадон аккредитацийы тыххæй магистратурæйы программæ 07.04.04 «Градостроительство»-йæн.
Уый у ахсджиаг хабар абитуриенттæн æмæ университетæн: аккредитацийы фæлварæн æнтыстджынæй ацæуын бæлвырд кæны, ахуырадон программæйы мидис, ахуыры уавæртæ æмæ хатдзæгтæн аргълæвæрд федералон домæнтæн дзуапп кæй дæттынц, уый.
Ацы магистратурæйы программæйæ ахуыр цæуы ЦИПУ-йы æрдзон зонæдтæ æмæ технологиты факультеты 2024 азы 1 сентябрæй. Программæйæ ахуыры æмгъуыд ахæссы дыууæ азы æмæ æртæ мæйы æмæ лæвæрд цæуы комкоммæ æмæ фæсаууонмæ хуызы.
Университет ма фехъусын кодта бакалавриаты программæ 07.03.04 Градостроительство, дæсныйад «Градостроительное проектирование»-имæ комкоммæ-фæсаууонмæ ахуырады хуызы.
ЦИПУ-йы экономикæ æмæ академион интеграцийы фæдыл ректоры хæдивæг Зæгæлты Зæлинæ фæнысан кодта:
«ЦИПУ сарæзта æмæ сæххæст кодта къорд уникалон ахуырадон программæйы, алкæцы дæр здæхт у Цæгат Ирыстон æмæ æппæт Цæгат Кавказы регионæн актуалон бæлвырд фарстытæ райхалынмæ. Магистерон программæ «Управление пространственным развитием городов»-йы рауагъдонтæ райсдзысты, горæты фæлыст нырыккон уавæртæм гæсгæ ивыны комплексон фæлтæрддзинад. Сæ компетенцитæм хаудзæн чысыл æмæ астæуккаг горæтты генералон пълантæ аразын, социалон, экономикон æмæ экологон факторты æппæт спектр хынцгæйæ, территориты размæцыды генералон пълантæ аразын, афтæ ма хуыздæр информацион-коммуникацион технологитæй пайдагæнгæйæ, «Умный город» парадигмæйы проектты реализаци. Аккредитацион фæлварæн æнтыстджынæй сæххæст кæнын уыд разамынддæттæг къорды, ахуыргæнджыты коллективы æмæ, кæй зæгъын æй хъæуы, ЦИПУ-йы æрдзон зонæдтæ æмæ технологиты факультеты нæ диссаджы студентты хорз координацигонд куысты фæстиуæг».
Уæлдæр ахуырады программæтæн аккредитацийы бæрæггæнæнтæ, стæй сæ нымайыны æмæ спайда кæныны методикæ фидар кæны Уæрæсейы Федерацийы наукæ æмæ уæлдæр ахуырады министрад Рособрнадзоримæ баныхас кæнгæйæ. Паддзахадон аккредитаци райсыны æнæмæнгхъæуæг уавæртæй иу у ахæм студентты уæвынад, кæцытæ æнтыстджынæй ахицæн кодтой рæстæгмæ аргълæвæрд æмбæлон программæтæн снысангонд æмгъуыдмæ.
Образовательные программа «Градостроительство» в СОГУ получила государственную аккредитацию