Цæгат Ирыстоны паддзахадон университет бахауд Уæрæсейы 10 хуыздæр ахуыргæнæндоны хыгъдмæ. Ныхас цæуы цъæхфæлыстæй аивгонд университеттыл. Рейтингмæ бацыдысты 42 уæлдæр ахуыргæнæндоны.
Стратегион хъæппæристы агентад сарæзта рейтинг экокультурæйы æмвæзад сбæрæг кæнынмæ. Цæгат Ирыстоны паддзахадон университеты ныффидар кодтой бырон хицæнæй æмбырд кæныны фæтк. Сæрмагондæй йæ бæстыхæйтты сæвæрдтой батарейкæтæ æмбырдгæнæн урнæтæ. Баххуыс сын кодта Æппæтуæрæсеон адæмон фронты фæсивæд. Экологон змæлд «Sansara» скъолаты скæнынц эко-уроктæ, уыимæ FabLab Alania аразы эко-дебаттæ æмæ кæны эко-блогы куыст.
Университеты ректор Огъуаты Аланы ныхæстæм гæсгæ, уыцы хъуыддаджы æмгуыст кæнынц Пензæйы облæсты хайадимæ, суанг ма Испанийы университетимæ иумæ архайынц онлайн-курсыты.
Рейтингы сæйраг домæнтæ уыдысты, университеты алфаблайы аивдзинад, инфраструктурæ, дон æмæ электрон тых куыд хардзгонд цæуы, уыимæ хауæццæгтыл куыд бакусынц, уый сбæрæг кæнын. Ахуырадон программæтæ дæр хуыздæрырдæм ахадынц экокультурæйы райрæзтыл.