ЦИПУ æмæ Цæгат — Кавказы суворовон æфсæддон училищæ аразынц ахуырадон кластер. Уый тыххæй бадзырд бафыстой ахуыргæнæндæтты разамонджытæ.
Æмгуыстад кæндзысты университеты æмæ училищæйы инновацион къабазы, курдиатджын сывæллæттæ агуырыны æмæ уæлæмхасæн иумæйагахуырадон программæтæ æххæст кæныны.
Цæгат — Кавказы суворовон æфсæддон училищæйы хицау Тауытты Руслан куыд загъта, афтæмæй ЦИПУ-йы фæлтæрддзинад ацы къабазыл æнæмæнгæй фæзындзæн хорзырдæм.
Ректор Огъуаты Аланæн бавдыстой училищæйы комплекс. Музейы радзырдтой, Дзæуджыхъæуы кадетты корпусы равзæрды историйы тыххæй. Ахуыргæнджытæ сæрыстыр сты Уæрæсейы хъахъхъæнынады министр Сергей Шойгуйы лæварæй. Уый у, æмбал кæмæн нæй, ахæм интерактивон ахуырадон комплекс географи ахуыр кæнынæн.