Цæгат Ирыстоны паддзахадон университет федералон конкурсы рамбылдта грант 10 милуан сомы бæрц.
Конкурсы архайдтой нæ бæстæйы 85 субъекты. Уæлахиздзауты дзы сбæрæг кодтой 67 регионæй. Æдæппæтæй курдиæттæ балæвæрдтой 2 214 проектӕн 352 уæлдæр ахуыргæнæндонæй.
Цæгат Ирыстоны университет æхцайы фæрæзтæ райста цалдæр проектæн. Се ‘хсæн: адæмон кæфтыты фестиваль, Медиацентр «ЦИПУ», футболон парк «Университет» æмæ Цæгат Кавказы студентты æмбырдты форум. Мадзал сарæзтой фæсивæдон хъуыддæгты фæдыл комитет æмæ ресурсон центры æххуысæй. 5 боны дæргъы цыдысты дæсныйад æвдисæн ахуыртæ, дискусситæ.