Хетæгкаты Къостайы номыл паддзахадон университеты ацыд тымбыл стъол. Видеобастдзинады фæрцы Тегераны университет æмæ Ираны евразиаг иртасæн институты минæвæрттæ цæгатирыстойнаг профессортимæ æрныхас кодтой фидæны наукон, гуманитарон æмæ культурон æмгуыстадыл.

Тымбыл стъолы архайдта Цæгат Ирыстоны университеты ректор Огъуаты Алан. Уæ зæрдыл уын æрлæууын кæндзыстæм, Цæгат Ирыстоны паддзахадон университеты ирайнаг культурæйы центр байгом 2014 азы.

Æнгомæй æмгуыст кæнынц Тегераны университет Алламе Табатабаимæ. Ираны студенттæн вæййы фадат ЦИПУ-йы сæ зонындзинæдтæ фæуæрæхдæр кæнынæн. ЦИПУ-йы студенттæн та Тегераны университеты. Уыимæ ма, студентты бон у лингвистикон практикæйы хуызы Иранмæ ацæуын.