Сывæллæтты спортивон æмæ социалон райрæзты академи байгом уыдзæн Цæгат Ирыстоны паддзахадон университеты.
Фæкæсынхъуаг æмæ æххуысцух бинонтæй рацæуæг сывæллæтты дзы лæвар ахуыр кæндзысты футбол æмæ баскетболæй хъазын. Уый тыххæй фехъусын кодта университеты хъомылгæнæн куысты хайады проректор Гуыдиаты Батраз. Йæ ныхæстæм гæсгæ, секцитæм ныридæгæн исын райдыдтой. 20 лæппуйы æмæ 20 чызджы спорты алы хуызмæ дæр. Футболæй ахуыр кæндзысты 8-9 аздзыд сывæллæтты, баскетболмæ та исынц 13-14 -аздзыд фæсивæды. Семæ кусдзысты республикæй зындгон тренертæ.
Академи саразыны хъæппæрис разынд ЦИПУ-йы ректор Огъуаты Аланмæ.