Цæгат Ирыстоны паддзахадон университеты кадджын уавæры байгом студентон наукæйы бон. Проекты сæйраг нысан-фæсивæды сфæлдыстадон æмæ наукон хъомыс раргом кæнын. Мадзал аразджытæ бацæттæ кæнынц наукон конференцитæ, семинартæ, наукон квесттæ, симпозиумтæ, равдыстытæ æмæ наукон кинонывты премьерæтæ.

Ацы хатт дæр та хуыздæр иртасæн куыстытæ сбæрæг кодтой. Номинациты уæлахиздзаутæ райстой Кады гæххæттытæ æмæ æхцайы премитæ.

Наукæйы бонтæ систы æрыгон иртасджыты ныхасæн ахадгæ фæз. Радзурынц сæ наукон хъæппæристы æмæ хъуыдыты тыххæй. Афӕдзы дæргъы студенттæ сæ наукон разамонджытимæ сæ кафедрæты æмæ факультетты фæкæнынц сфæлдыстадон куыст. Уый сын фадат радты иртасæн куысты фыццаг къахдзæфтæ скæнынæн, фидæны та стыр наукæмæ бацæуынæн, магистртæ æмæ аспиранттæ суæвынæн.

Цæгат Ирыстоны паддзахадон университеты наукæйы бонтæ сты æргом мадзалыл нымад. Архайыны бар дзы ис республикæйы студенттæн æмæ скъоладзаутæн. Мадзал аразджытæ бацæттæ кæнынц наукон конференцитæ, семинартæ, наукон квесттæ, симпозиумтæ, равдыстытæ æмæ наукон кинонывты премьерæтæ.