Сценикон фехтовани — суинаг актерты æнæмæнг дисциплинæ у. Цугкиты Виктория у Цæгат Ирыстоны паддзахадон университеты аивæдты факультеты студенткæ. Ацы дисциплинæ йæ зæрдæмæ фæцыд ахуыры фыццаг бонæй. Куыд зæгъы, афтæмæй фехтовани уарзы йæ эстетикæ æмæ цырдзинады тыххæй. Æрæджы та Вероникæ йæ тыхтæ бафæлвæрдта «Актёрское мастерство языком пластики», зæгъгæ, егъау фестивалы. Сси 2-аг къæпхæны лауреат.

Фестивалы Вероникæ сценæмæ рацыд Байаты Ацæмæзимæ. Бацæттæ кодтой номыр «Фехтованийы ахуыргæнæг», зæгъгæ. Æрыгон адæймаг Петербургмæ ацыд йæ фæлтæрддзинадыл бакусынмæ.

Фестивалмæ Вероникæ æмæ Ацæмæзы цæттæ кодта Гуцаты Тамерлан. Ныр æртæ азы Аивæдты факультеты студенттæн амоны сценикон змæлд æмæ фехтовани. Æрвылбоны ахуыртæ æмæ дисциплинæйы руаджы, æнæмæнг, къухы бафтдзæн æнтыстдзинæдтæ дæр.

Фестивалы хуыздæр суæвыныл архайдтой Уæрæсейы алы горæттæй 20 аивадон уæлдæр ахуыргæнæндоны студенттæ. Уымæй уæлдай-ма Белорусси, Китай æмæ Италийæ. Дипломы аккаг систы не`мбæстæгтæ. Вероникæ æмæ Ацæмæз дарддæр сæхуыл кусынц, цæмæй сæрды æнтысджынæй фæлварæн радтой.