Цъитимæ ссæуын, тæвд гуырæнты хи цынайын. Ахæм мадзæлттæ Уæрæсейы технологон университеты студенттæн бацæттæ кодтой Цæгат Ирыстоны. Бæстæйы алы горæттæй минæвæрттæ ам сты фыццаг хатт.
Сæйраг нысан — Цъæйы цъитимæ ссæуын. Цæуын æм хъæуы 4 километры, уымæн бахъæудзæн 2 сахаты бæрц. Кавказы стырдæр цъититæй иу фенынмæ æрбацыдысты Уæрæсейы технологон университеты бархионтæ. Семæ Цæгат Ирыстоны паддзахадон университеты студенттæ. Уыдон инструктажимæ иумæ уазджытæн дзурынц комы рæсугъддæр бынæтты тыххæй.
Фæсивæд сты Мæскуы, Подольск, Киров, Дæллаг Новгород, Иркутск, Белоруссийæ. Æдæппæтæй 9 бархионы. Алчидæр сæ Цæгат Ирыстоны рæсугъддзинæтæ федта, нæ историимæ базонгæ, ссардта ног хæлæртты.
Туристон маршрутæн Цъæйы ком равзæрстой Цæгат Ирыстоны паддзахадон университеты. Студенттæ раздæр бабæрæг кодтой Дæргъæвс, федтой Мидæгрæбыны æхсæрдзæнтæ. Программæ у хъæздыг.
Абон уазджытæ абалц кæндзысты Мæскуымæ. Цæгат Ирыстоны арвыстой 10 боны. Студентты ныхæстæм гæсгæ, ахæм мадзæлттæ райрæзтæн пайда сты. Уымӕ гӕсгӕ сæ сфæнд кодтой дарддæр дæр аразын.