Цæгат Ирыстоны Хетæгкаты Къостайы номыл паддзахадон университеты физикон хъомылад æмæ спорты факультеты ацыд зæрдылдарæн лекци Ирыстонæй Ленинград блокадæйы рæстæг чи хъахъхъæдта, уыцы хъæбатырты номыл.
Мадзал бацæттæ кодтой, Ленинград фашистты блокадæйæ куы суæгъд кодтой, уый номыл мысæн бонмæ. Æмбырды уыдысты ахуыргæнджытæ, студенттæ æмæ хуынд адæм.
«Осетины и уроженцы Осетии – участники обороны Ленинграда» – ахæм лекци бакаст æрыгон иртасæг, ЦИПУ-йы историон факультеты студент Мырыкаты Артемий.
Радзырдта, Советон армийы Ирыстонæй хъæбатыртæ блокадæгонд горæт бахъахъхъæнынмæ цы сгуыхтдзинæдтæ равдыстой, удуæлдайæ адæмы сæрвæлтау фидар куыд лæууыдысты, уый тыххæй.
Æвдыст æрцыдысты историон факттæ, архивон бæрæггæнæнтæ æмæ тыхгæнæгæн ныхмæ чи æрлæууыд хъæбатырæй горæт хъахъхъæнгæйæ, уыцы цауты архайджыты къамтæ. Се ‘хсæн СОГПИ-йы (ныртæккæ ЦИПУ) физикон-математикон факультеты рауагъдон, кæстæр политрук, Ленинграды уæды хæстон цауты архайæг, Томайты Сардион.
Студенттæн ма радзырдтой иннæ архайджыты тыххæй дæр: Мамсыраты Хаджи-Умар, Сланты Леонид, Цæлыккаты Хъантемыр, Советон Цæдисы Геройтæ – летчик Бицаев Сергей, Бунимович Юрий, Гæджиты Алыксандр, Цоколаты Геннадий, Советон Цæдиы Герой – танкист Мнацаканов Алыксандр, летчик Слонты Алыбег, Гуссауты æфсымæртæ, связист Золкин Федор, Магкæты Зæрæмæг, СО АССР Бæрзонддæр Советы депутат Дзаттиаты Дмитрий.
Фембæлд тынг цымыдисаг уыд архайджытæн. Студенттæ загътой арфæйы ныхæстæ, фадат сын кæй фæзынд се ‘мзæххонты ивгъуыд героикон сгуыхтдзинæдты тыххæй фылдæр кæй базыдтой, уый фæдыл.
Лекци уыди фæсивæдимæ патриотизмыл хъомылады куысты хай, зæрдыл дарын кæй хъæуы историйы трагикон, уыимæ героикон сыфтæ. Мадзал сарæзтой Экстремизмы профилактикæйæ координацион центр.
В СОГУ прошла памятная лекция о защитниках блокадного Ленинграда из Осетии