ЦИПУ-йы физикон-техникон факультеты гуманитарон æххуысæн сфæлдисдзысты хус душимæ 1500 пакетæй фылдæр. Уыцы хъуыдымæ сразæнгард кодта дизайн, рог промышленносты дзаумæтты конструированийы кафедрæйы хистæр ахуыргæнæг Байаты Эльзæ.

Хус душмæ хауы фынкгонд губкæ æмæ хисæрфæн. Губкæйæн хъæуы æрмæст 50 мл дон, цæмæй сфынк уа – уый хорз сыгъдæг кæны æмæ йæ донæй  æрæхсын нал фæхъæуы.

«Мæнæн мæ сæры хицау артиллерист у, уый йæ командæима бирæ рæстæг вæййы хъæды, уым та тынг зын у гигиенæмæ хъус дарын. Фарон базыдтон хус душы тыххæй æмæ йæ мæ сæры хицауæн мæхæдæг сарæзтон. Разынд тынг æнæмæнг хъæугæ дзаума. Ахæм пакеттæ ахсынц гыццыл бынат æмæ фаг кæнынц бирæ рæстæгмæ», – загъта Байаты Эльзæ.

Фарон ахуыргæнæг йæхи хардзæй бацæттæ кодта йæ сæры хицауæн хус душы  300 экземпляры. Ныр йæ фæнд  бахаста, цæмæй рауагъд рапарахат кæной университеты æмæ  сæ ЦИПУ цы гуманитарон æххуыс бацæттæ кæны, уырдæм бахæссой.

Хус душы пакетты сарæзтыл архайынц ЦИПУ-йы дизайн, рог промышленносты дзаумæтты конструированийы кафедрæйы ахуыргæнджытæ æмæ студенттæ. Æдæппæт сараздзысты 1500 экземпляры. 300 экземпляры та сæрмагодæй арвитдзысты Байаты Эльзæйы сæры хицауы командæйæн.

В СОГУ изготовят сухой душ для бойцов СВО