25 январы студенты бон Цæгат Ирыстоны паддзахадон университеты сбæрæг кæндзысты Фыдыбæстæйы Стыр Хæсты кадæн арæзт интеллектуалон викторинæйæ «Мозговой штурм», зæгъгæ. Ацы мадзал уыдзæн фыццаг, университет Фыдыбæстæ Хъахъхъæнæджы Азмæ кæй бацæттæ кодта, уыдонæй.

Студенттæ, ахуыргæнджытæ æмæ уазджытæ фæдих уыдзысты 12 командæйыл, сæ зонындзинæдтæ бафæлвардзысты Уæрæсейы историйы зынгæдæр периодæй, дзуæппытæ ратдзысты Фыдыбæстæйы Стыр Хæсты цауты фæдыл фæрстытæн, сæйрагдæр, Кавказы хæст куыд цыд, сæ зæрдыл æрлæууын кæндзысты бæлвырд бонтæ, геройты нæмттæ æмæ се сгуыхтдзинæдтæ.

Уымæй уæлдай, хъазты æвдыст цæудзысты уыцы рæстæджы культурон фæды элементтæ: зæлдзысты хæстон азты зарджытæ, равдисдзысты уæды цауты тыххæй кинонывтæй скъуыддзæгтæ.

«Мозговой штурм» ирдæй байгом кæндзæн мадзæлтты цикл, цæмæй æрыгон фæлтæр патриотизмыл хъомыл  кæной æмæ  ахæм историон цаутæ ма рох кæной.

В СОГУ отметят Татьянин день интеллектуальной игрой