РЦИ-Аланийы националон музейы кадджын уавæры схорзæхджын кодтой Уæрæсейы мыхуыры бонмæ хуыздæр журналистон куыстыты уæлахиздзауты республикæйы сæргълæууæджы æрвылазон премийæ.
Сгуыхтдæр журналисттæн хорзæхтæ радта республикæйы сæргълæууæг Сергæй Меняйло.
Республикæйы кадджындæр преми хуыздæр журналистон куысты тыххæй «Намыс æмæ цыт»-ы номинацийы райста Хъайтыхъты Кристинæ æвсæддон госпитæлы хæрзаудæг хотæй цы сылгоймæгтæ кусы, уыдоны йæ куыст «Куывд æмæ аудæг къухтæ»-йы кæй равдыста, уый фæдыл, стæй Калманты Зæлинæ дæр номинаци «Пъеройы фæлвæрд»-ы йæ сюжетимæ «Цæгат Ирыстоны бонтæ Федерацийы Советы æмæ республикæйы культурæйы бонтæ Мæскуыйы».
РЦИ-Аланийы сæргълæууæджы премийы конкурс хуыздæр журналистон куыстæн республикæйы арæзт цæуы æрвылазон. Цæгат Ирыстоны сæргълæууæджы æрвылазон премийы лауреаттæ хуыздæр журналистон куыст 2024 азы хатдзæгтæм гæсгæ систы алыхуызон дзыллон хабархæссæг фæрæзты 17 минæвары – мыхуырон рауагъдтæ, интернет-рауагъдтæ, телеуынынад æмæ радио. Уæлахиздзауты равзæрста къамис аст номинацийы.