ЦИПУ æмæ ахуырад æмæ наукæйы Министрады иумæйаг профориентацион проект «Педагогон фæлвæрд»-ы фæлгæтты Дзæуджыхъæуы 28-æм скъолайы ацыд радон гом урок.

Ирон æвзаджы урок 3-æм къласы ахуырдзаутæн лæвæрдта Ног Бæтæхъойы хъæуы скъолайы ахуырдзау Дзиуаты Альбинæ.

Альбинæйы фидæны фæнды ЦИПУ-йы ирон филологийы факультетмæ ахуырмæ бацæуын æмæ мадæлон æвзаджы ахуыргæнæг суæвын.

 «Ныртæккæ сывæллæттæ хæрз чысыл дзурынц мадæлон æвзагыл æмæ мæ фæнды ме ‘вæрæн бахæссын, цæмæй ныры фæлтæр хуыздæр зоной се ‘взаг. Скъолайы ахуыргæнджытæ мæ куы бафарстой, фæнды мæ проекты хайад райсын, зæгъгæ, уæд æнхъæл уыдтæн, нæ мын рауайдзæн. Фæлæ ахуыргæнджыты æххуысæй мæ бон сси хорз бацæттæ кæнын, сывæллæттæм урочы рæстæг цымыдисдзинад фæзынын кæнын», – загъта Альбинæ.

Йæ куыстæн ын аргъ кодта ЦИПУ-йы педагон ахуырады кафедрæйы доцент Уалыты Татьянæ. Загъта, урокæн æрмæг хорз кæй бацæттæ кодта, сывæллæттимæ куыст дæр ацыд пъланыл, фæлæ ма хъæудзæн бкусын методикæйыл.

Цæгат Ирыстоны паддзахадон университет æмæ ахуырад æмæ наукæйы Министрады иумæйаг проект «Педагогон фæлвæрд» здæхт у нырыккон ахуырадон системæйы ахуыргæнджыты бæрнон куыстмæ фылдæр цæстдардмæ æмæ скъоладзауты педагогон курдиат раргом кæнынмæ. Йæ хатдзæгтæм гæсæгæ скъоладзауты схорзæхджын кæндзысты сертификаттæй, уæлдай фондз уæлæмхасæн баллы ахуырадон программæтæй «Ахуырад æмæ педагогон наукæтæ», ЦИПУ-мæ ахуыр кæнынмæ бацæуын куы сфæнд кæной, уæд.

«С любовью к родному языку»: в школах Владикавказа продолжают идти открытые уроки участников проекта «Педагогической пробы»