Цæгат Ирыстоны ахуырад æмæ наукæйы Министрад æмæ ЦИПУ-йы иумæйаг профоориентацион проект «Педагогон фæлвæрд»-ы фæлгæтты райдытой цæуын архайджыты гом уроктæ республикæйы скъолаты.
Цалдæр мæймæ хистæр кълæсты ахуырдзаутæ куыстой егъау ахуырадон программæйæ. Программæмæ бацыдысты ЦИПУ-йы ахуыргæнджыты мастер-класстæ, тренингтæ æмæ тематикон ахуыртæ педагогон дæсныдзинадæй.
Уырыссаг æвзаджы кафедрæйы доцент Бекъойты Мæдинæ æмæ уырыссаг æмæ фæсарæйнаг литературæйы ассистент Масленникова Дианæйы разамындæй фыццаг гом урок уырыссаг æвзагæй ацыд Дзæуджыхъæуы 27-æм скъолайы. Се ʹрыгон педагогон дæсныдзинад æвдыстой Дзæуджыхъæуы 16-æм скъолайы ахуырдзау Офелия Погосян, 22-æм скъолайы ахуырдзау Дмитрий Соколов, Сунжæйы скъолайы ахуырдзау Æлборты Диана æмæ Михайловскийы скъолайы ахуырдзау Челæхсаты Аминæ.
Проекты архайды хатдзæгтæм гæсæгæ скъоладзауты схорзæхджын кæндзысты сертификаттæй, уæлдай фондз уæлæмхасæн баллы ахуырадон программæтæй «Ахуырад æмæ педагогон наукæтæ», ЦИПУ-мæ ахуыр кæнынмæ бацæуын куы сфæнд кæной, уæд.
Проект «Педагогон фæлвæрд» цæуы дыккаг аз æмæ здæхт у нырыккон ахуырадон системæйы ахуыргæнджыты бæрнон куыстмæ фылдæр цæстдардмæ æмæ скъоладзауты педагогон курдиат раргом кæнынмæ.
Стартовал заключительный этап профориентационного проекта «Педагогическая проба»