ЦИПУ-йы физикон культурæ æмæ спорты 1 курсы студент Роман Данькевич 5 сахатмæ алыгъд Æрыдонæй Дзæуджыхъæуы Кады мемориалмæ.
Йæ райгуырдæй йын ис æнæниз царды уаг, 6 азæй фылдæр архайы альпинизм æмæ дугъ кæнынæй. Ныр кусы сывæллæтты æмæ фæсивæды туризм æмæ экскурситы Республикон центры, уым рæгзæ фæлтæры разæнгард кæны æнæниз æмæ активон царды уагмæ.
Роман йæ фидардзинад индивидуалон марафоны хуызы рабæрæг кæнынæн йæхицæн сарæзта дыккаг хатт. Йæ фыццаг марафон 2021 азы адугъ кодта йæ райгуырæн горæтæй нæ республикæйы сæйраг горæтмæ фондз сахаты æмæ æрдæгмæ. Ууыл бауромынмæ нæ хъавы – разæй ног нысан: йæ хатдзæгтæ фæхуыздæр кæнын 4 сахатмæ!
«Ма тæрсут сонт æмæ диссаг хъуыдытæй, бирæ ма хъуыды кæнут, уайтагъд уæ фæндтæ аразут, уый фæстæ та уæ бакуыстæй райгонд ут, бирæ куы хъуыды кæнат, уæд уæ бон у уæ фæнд аивын æмæ йæм макуы уал раздæхын. Цæрут абоны бонæй, ма тæрсут ногдзинæдтæй. Уæхиуыл куы æууæндат, уæд уын алцыдæр рауайдзæн!»- зæгъы студент.
Студент СОГУ за 5 часов пробежал путь из Ардона во Владикавказ