Сочийы галерей «ФОРТ»-ы байгом ЦИПУ-йы ныв кæныны аивады кафедрæйы доцент Биганаты Зæринæйы сæрмагонд равдыст. Йæ экспозицийы фараст нывы хауынц ахæм къордтæм куыд: «Хæххон мотивтæ», «Букеттæ», «Дидинæг. Æмуæзад».
«Дидинджытæ сты куыд разæнгарды гуырæн, зæрдæйы ахаст æвдисæг, графикæ æмæ хуызы ирд æмахаст, алы ныв дæр дзы йæхи колориты, хуызджын графикæ у хæрзаив æмæ алыхуызон. Бузныг дæн, мæ куыстытæ равдисынæн мын фадат кæй фæци, адæмы зæрдæмæ кæй фæцыдысты, уымæй. Стыр бузныг дæн Ксения Гагаринæйæ», – загъта Биганаты Зæринæ.
Равдыст цæудзæн 21 февралмæ.
Арт галерей «ФОРТ» у сфæлдыстадон тыгъдад, æвдыст дзы цæуы нырыккон аивад. Галерей æмгуыст кæны уæрæсейаг æмæ фæсарæйнаг нывгæнджытимæ.
«Биганаты Зæринæйы сфæлдыстад сфидыдта иумæйаг экспозицийы, галереймæ цæуджытæм сæвзæрын кодта цымыдисдзинад. Йæ куысты мидис у алæмæтаг балцау. Галерей арфæ кæны ЦИПУ-йы хицауадæн, ныв кæныны дæсныйады кафедрæйы доцентимæ æмгуыст æмæ йæ дæсныйадимæ базонгæ кæныны фадат нын кæй ис, уый фæдыл. Нæ зæрдæ дарæм, фидæны дæр кæй кусдзыстæм иумæ», – загъта галерей «ФОРТ»-ы директор Ксения Гагарина.
Работы преподавательницы факультета искусств СОГУ — в галерее города Сочи