ЦИПУ-йы Точка кипения-йы ацыд студентты бизнес-проектты æвзæрсты экспертон советы фыццаг æрбадт. Программæ «Стартап куыд диплом»-мæ кæй проект равзарой, уыдонæн нымад цæудзæн куыд сæ рауагъдон куыст.

Студентты цыппар къорды равдыстой сæ проектты мидис æмæ пълан. Эксперттæ куыстытæм кастысты цалдæр миниуæгмæ гæсгæ: технологи, хи интеллектуалон æмвæзад, базарад æмæ инвесторты аргъ проектæн.

Равдыст проекттæй иу – республикæйы цæрджытæн онлайн-заказ æмæ товар/лæггад фæхæццæ кæныны системæ  «Nart Delivery». Сæ хъуыдымæ гæсгæ ацы сервис фæтагъд кæндзæн бынатмæ исты фæхæццæ кæныны процесс æнцонæмбарæн телеграм-боты фæрцы. Уымæй уæлдай, сервисы æххуысæй гæнæн уыдзæн дард цæрæн бынæттæм исты фæхæццæ кæнынæн фадат. Йæ архайджытæ ныртæккæ Беслæны эксперименты хуызы кусынц фондз уагдонимæ.

Химикон-биологион æмæ экономикæ æмæ управленийы факультетты студентты къорд бахастой фæндон, æнæ консерванттæй, ад тыхджынгæнæг æмæ стабилизатортæй пайда кæнгæйæ хъæрмхуыппы хъацæнтæ саразын. Хойрагæн йæ бон уыдзæн базарады иннæ ахæм хойрæгты æмрæнхъ лæууын йæ пайда æмæ йе ‘рдзон скондмæ гæсгæ.

Хи клиникæтæ æмæ медицинон уагдæттæн автоматизаци æмæ оптимизацийы программæ равдыста къорд «Alania GO». Уагдæттæ æмæ се ‘ххуыс кæй хъæуы, уыдон программæйы фæрцы тагъд, æнцон æмæ хæрзхъæд фæнысан кæндзысты фембæлд, стæй æндæр лæггады хуызтæ.  

Проект «SkillRadar2» равдыстой менеджмент, практикон математикæ æмæ информатикæйы дæсныйадыл чи ахуыр кæны, уыцы студентты къорд. Стартапы мидис у бизнесы райрæзтæн разамынд саразыны. Йæ принцип у кусджытимæ хибарæй куысты. Программæ анализ скæндзæн архайджыты зонындзинæдтæ æмæ фæлтæрддзинад конкретон дæсныйадмæ æмæ ратдзæн йæхи амындтытæ.

Ацы проекты æнгæс ма бахъахъхъæдтой фарон дæр, ныр æй студентты къорд фæхуыздæр кодта, йæ гæнæнтæ йын фæпарахат кодта, стæй ма дзы бафтыдта блок, кæцыйы адæймагæн йæ бон у кусæнуаты æрцахуыры хуызы архайын.

Алы раныхасы фæстæ дæр эксперттæ архайджытæн амыдтой сæ хъæндзинæдтæм æмæ сыл куыд бакусын хъæуы, цæмæй иннæ æрбадты равдисой кæуыл бакуыстой, ахæм проект, эксперттæ та рахæссой кæронбæттæн уынаффæ.

Уæ зæрдыл уын лæууын кæнæм, ныр фæндзæм аз ЦИПУ-йы студенттæн ис фадат сæ рауагъдон квалификацион куыстытæ бахъахъхъæнын иртасæны хуызы, стæй иунæгæй кæнæ къордæй бизнес-проект бацæттæ кæнгæйæ. Студенттæн программæ «Стартап куыд диплом» здæхт у йæ ратæдзæны æрыгон амалиуæггæнæг бизнесы æххуысæн.

Четыре команды СОГУ стали участниками проекта «Стартап как диплом»