Конференци байгом кодтой пленарон æрбадтæй. Уым Тенгиз Тиникашвили раарфæ кодта архайджытæн наукæйы боны фæдыл æмæ сын радзырдта университеты наукæйы райрæзтыл.
Уый фæстæ сæ докладтимæ рацыдсты ахуыргæндтæ Цæгат Ирыстонæй, Петербургæй, Стъараполæй, æмæ Ульяновскæй. Ныхас кодтой медицинæйы инновацион наукон сгуыхтдзинæдтыл, стоматологи æмæ фармакологийы ногдæр райрæзтытыл, фундаменталон æмæ клиникон медицинæйыл, химикон-биологион размæдзыд иртасæнтыл æмæ химикон æмæ биологион медицинæйы актуалон домæнтыл.
Конференцийы куыстой цыппар секцийы: медицинон дисциплинæтæ, фармацийæ, педагогон ахуырад классикон университеты æмæ химикон-биологион наукæты нырыккон сгуыхтдзинæдтæ.
Дзырдтой ног фæлтæры хостæ саразыны гæнæнтыл – антибиотиктæ кæрдæджыты бындурыл, Цæгат Ирыстоны территорийыл экологон бæллæхтыл, фæсарæйнаг хостæ уæрæсейаг хостæй баивыны уавæрты фарстатыл, медицинæйы цæмæй хæрзхъæд кусджытæ фаг кæна æмæ æндæртыл.
Конференци бацæттæ кодта ЦИПУ-йы медицинон факультеты фундаменталон медицинæйы кафедрæ.
