ЦИПУ-йы райдыдта цæуын проект «Педагогон фæлвæрд»-ы ног рады къæпхæн «Ахуырадон интенсив». Проекты архайынц нæ республикæйы иумæйагахуырадон скъолаты 10-æм кълæсты 100 ахуырдзауы.
«Педагогон фæлвæрд» у ЦИПУ æмæ Цæгат Ирыстоны ахуырад æмæ наукæйы Министрады ахуыргæнæджы дæсныйад кадджындæр кæнынмæ здæхт проект. Архайджытæ æвзæрст æрцыдысты æртыккаг хатт. Фыццаг проекты рауагъдонты 80%-æй фылдæр ныртæккæ сты ЦИПУ-йы педагогон дæсныйæдтæ ахуыргæнæг æмæ нæ бæстæйы æндæр уæлдæр ахуыргæнæдæтты студенттæ.
Ног рады архайджытæн раарфё кодта ЦИПУ-йы ректор Огъуаты Алан.
«Ахуыргæнæг уæвын – иттæг хорз у! Мах проекты архайгæйæ сымахæн уæ бон у уæхи бафæлварын уыцы профессийы, фенын, цавæр ахуыргæнæг дæ рауаид, куыд сбадид кæрæдзиуыл уæ ахуырдзаутимæ уæ ныхас. Абон нæ бон у спайда кæнын нырыккон цифрон æмæ социалон гæнæнтæй, аразгæ интеллектæй, онлайн-фæзуæттæй. Уыдон уын раргом кæндзысты уæ гæнæнтæ уæхи бафæлваргæйæ. Куы сæ пайда кæнат, уæд уæ бон уыдзæн бæххуыс кæнын канд къласæн æмæ скъолайæн нæ, фæлæ æппæт дунейы адæмæн», – загъта Огъуаты Алан.
Проекты архайджытæн ма бацамоныны хуызы сæ ныхас загътой психологон-педагогон факультеты декан Бирæгъты Фатимæ, ЦИПУ-йы системон экологион анализы лабораторийы сæргълæууæг Сергей Скупневский æмæ ЦИПУ-йы педагогон ахуырады кафедрæйы доцент, проект «Педагогон фæлвæрд»-ы разамонæг Тайсаути Беллæ.
Йæхи фæлтæрддзинады тыххæй ма ахуырдзаутæн радзырдта ивгъуыд проект «Педагогон фæлвæрд»-ы архайæг, 22 скъолайы 11 къласы ахуырдзау Дмитрий Соколов дæр.
Мадзал байгомы фæстæ ацыдысты дыууæ ахуырадон сессийы. Фыццаг сесси «Психологион зонындзинæдтæ ахуыргæнæджы куысты цы бынат ахсынц» сарæзта педагогон ахуырады кафедрæйы доцент Хадыхъаты Инессæ, дыккаг сесси «Нырыккон ахуыргæнæг уæвын цы амоны?» сарæзта педагогон ахуырады кафедрæйы доцент Бекъойты Маринæ.
«Ахуырадон интенсив»-ы къæпхæныл ахуыртæ цæудзысты 2025 азы кæфты мæймæ, алы сабаты дæр. Тæргæйтты æмæ хуымгæнæны мæйты архайджытæн арæзт цæудзысты мастер-класстæ куыд гуманитарон, афтæ æрдзон æмæ бæлвырд наукæтæй ахуырадон дисциплинæтæ амоныны методикæйæ. Мастер-класстæ æвдисдзысты ЦИПУ-йы 11 факультеты ахуыргæнджытæ æмæ хуыздæр студенттæ. Рухæны мæйæ та кæфты мæймæ архайджытæ сæхи бафæлвардзысты мастер-классты практикон психологи æмæ ахуырдзауты психологон-педагогон фæсдзыды. Уый фæстæ джеоргуыбайы æмæ цыппурсы мæйты проекты архайджытæ фæлтæрдджын архуыргæнджыты разамындæй бацæттæ кæндзысты æмæ ратдзысты гом уроктæ республикæйы скъолаты.
Проекты рауагъдонты схорзæхджын кæндзысты «Педагогон фæлтæрд»-ы архайæджы сертификатæй. Уый сын ратдзæн уæлдай фондз уæлæмхасæн баллы педагогон программæтæй ЦИПУ-мæ ахуыр кæнынмæ бацæуын куы сфæнд кæной, уæд.
«Быть учителем – это круто!»: в СОГУ стартовал новый сезон проекта «Педагогическая проба»