Хими, биологи æмæ биотехнологийы факультеты сарæзстой СОГТЭК-ы студенттæн мастер-класс тагъд цæттæгæнæн хус хъæрмхуыппытæ аразынæй.
Студенттæн хъæрмхуыпп саразыны сусæгдзинæдты тыххæй радзырдта хойраджы продуктты технологийы кафедрæйы доцент Цæгæраты Еленæ.
Куыд зонæм, ЦИПУ-йы хойраджы продуктты технологийы кафедрæйы ахуыргæнджытæ æмæ студенттæ ректоры хъæппæрисæй бакуыстой æнæ хими æмæ консерваннтæй, дæргъвæтин нæхæлыны æмгъуыд кæмæн ис, ахæм хус хъæрмхуыппытæ аразыны технологийыл. Ахæм хъæрмхуыппытæ æдзух æрвыст цæуынц не ‘фсæддонтæн Сæрмагонд хæстон операци кæм цæуы, уырдæм. Йе сконды ис кърупа, дыргъты хустæ, сæкæривæн æмæ хус æхсыр.
Афтæ ма ахуыргæндтæ аразынц тагъд цæттæгæнæн кастæ дæр – сысджыйæ, гречкæйæ æмæ еууæй. Продукттæ сцæттæ вæййынц фыцгæ доны æххуысæй 10-15 минутмæ, сæ ахадæн æмæ пайдайаг миниуджытæ ма фехалгæйæ.
