Профессионалон цӕттӕдзинады программӕ «Инструктор-фӕндагамонӕг фистӕгцӕуӕг туризм ӕмӕ трекингӕй»-ы хъусджытӕ схызтысты Хиах-хохы цъуппмӕ. Цъуппы бӕрзӕнд –денджызы ӕмвӕзӕй 2770 метры уӕлдӕр.
Хӕрдмӕ цыды сӕргъы лӕууыд программӕйы ахуыргӕнӕг Федор Шульев, инструктор, Эверсты цъуппмӕ схизӕг, Цӕгат Ирыстоны фыццаг Гималайаг экспедици «Алания-Гмалаи-95»-ы архайӕг. Бӕрзӕндӕй сын байгом диссаджы ныв, Гӕналдоны ком, цъити Колкӕ ӕмӕ Хъазыбег-Джимарайы хӕхты урс цъуппытӕ.
Курс «Инструктор-фӕндагамонӕг фистӕгцӕуӕг туризм ӕмӕ трекингӕй» нысангонд у, туризм æмæ джиппинг чи уарзы, уыдонæн. Ахуыр цæмæй æнтыстджындæрæй цæуа, уый тыххæй программæйы уыдзæн бирæ практикон ахуыртæ хæхты.
Арфӕ кӕнӕм нӕ программӕйы архайджытӕн, нӕ зӕрдӕ сын зӕгъы, цӕмӕй фӕуӕлахиз уой ног бӕрзӕндтыл!
Инструкторы-проводники СОГУ совершили восхождение на вершину Хиах-хох