Мæскуыйы Æппæтуæрæсеон Профсоюзы ахуырады X съезды нæ бæстæйы æппæт регионтæй делегаттæ æрныхас кодтой бындурон фарстатыл æмæ фæнысан кодтой профсоюзон организацийы хæстæгдæр азты райрæзты стратеги.
Делегаттæн æмæ съезды уазджытæн арфæйы ныхас загътой Уæрæсейы хæдбар профсоюзты Федерацийы сæрдар Сергей Черногаев, Уæрæсейы Федерацийы рухсады министр Сергей Кравцов, Уæрæсейы Федерацийы ахуырад æмæ наукæйы министры хæдивæг Ольга Петрова æмæ Уæрæсейы Федерацийы æнæниздзинад хъахъхъæныны кусджыты профсоюзы сæрдар Анатолий Домников.
Делегаттæ байхъуыстой Профсоюзы сæрдар Меркулова Галинæйы докладмæ Профсоюзы куысты хатдзæгты фæдыл æмæ йæ дарддæры архайды гæнæнтыл æмæ Профсоюзы Контролон-ревизион къамисы сæрдар Валентина Худяковайы докладмæ. Стæй раныхас кодтой регионалон профсоюзон организациты сæрдартæ.
Хицауадон, уагдæттон æмæ профсоюзон хорзæхтæ радтой Æппæтуæрæсеон Профсоюзы ахуырады æппæтæй кадджындæр минæвæрттæн.
Уымæй уæлай, съезды фæлгæтты равзæрстой Æппæтуæрæсеон Профсоюзы ахуырады Президенты ‒ уыцы бынатмæ æмхъæлæсæй равзæрстой Меркулова Галинæйы. Профсоюзы сæрдар та сси Солодилова Ларисæ, раздæр ахста Профсоюзы сæрдары хæдивæджы бынат.
X съезд Общероссийского Профсоюза образования прошел в Москве