Хуымгæнæны мæйы 3-æм бонæй 10-æм бонмæ Цæгат Ирыстоны ацæудзæн историйæ скъоладзауты Æппæтуæрæсеон олимпиадæйы кæронбæттæн къæпхæн.
Æппæт Уæрæсейæ Дзæуджыхъæумæ 150 зондамонæг-ахуыргæнæджы æмæ 350 архайæгæй фылдæр æрæмбырд уыдзысты финалмæ.
Олимпиадæ ацæудзæн Цæгат Ирыстоны паддзахадон университеты.
Историйæ олимпиадæйы кæронбæттæн къæпхæн ацæудзæн æртæ турæй:
Хуымгæнæны 4 бон – фыццаг (практикон, фысгæ) – нывæцæн анализы бындурыл (проект) æмæ историон эссе;
Хуымгæнæны 5 бон – дыккаг (теоретикон фысгæ) – олимпиадон хæслæвæрдтæ хынцын;
Хуымгæнæны 6 бон – æртыккаг (дзургæ) – архайæджы раныхас æмæ хайад исын хи рыныхас æмæ иннæ архайджыты раныхасы равзæрсты.
Архайджытæн сараздзысты экскурситæ Цæгат Ирыстоны æмæ Дзæуджыхъæуы, скъоладзаутæ бабæрæг кæндзысты хæстон кады бынæттæ, РЦИ-Аланийы Националон музей, бæхты театр «Нарты». Бацæттæ ма сын кодтой мастер-класстæ, нæ республикæйы истори æмæ традицитимæ базонгæ уæвынæн семинартæ æмæ ахуырадон мадзæлттæ.
Скъоладзауты Æппæтуæрæсеон олимпиадæ у æппæты стырдæр интеллектуалон ерыс нæ бæстæйы.
Олимпиадæ аразджытæ – Уæрæсейы ахуырады Министрадтæ. 2025 азы скъоладзауты Æппæтуæрæсеон олимпиадæйы кæронбæттæн къæпхæн цæуы нæ бæстæйы 15 субъекты тæргæйтты æмæ хуымгæнæны мæйты.
Скъоладзауты Æппæтуæрæсеон олимпиадæйы кæронбæттæн къæпхæн Цæгат Ирыстоны ацæудзæн фыццаг хатт.
Скъоладзауты историйæ Æппæтуæрæсеон олимпиадæйы кæронбæттæн къæпхæны генералон æмцæдисон у компани «OZON», цæдисонтæ: ПАО «Ростелеком», ахуырадон Центр «СТАРТАП», «Бавария»-йы компаниты къорд æмæ компани «Газпром».
Олимпиадæйы сæйраг хæс у æппæт Уæрæсейы курдиатджын скъоладзауты агурын. Архайджытæн ратдзысты æмхуызон хæслæвæрдтæ, уæлдай нæу, кæцы горæтæй у, кæнæ цавæр скъолайы ахуыр кæны. Уыцы уавæр сæ æвæры ерысы æмхуызон æмвæзадыл. Олимпиадæйы сæйраг лæвар у кæцыфæнды уæлдæр ахуырадон уагдонмæ бахауын. Уый та курдиатджын ахуырдзауæн у хорз мотиваци.
Олимпиадæйы кадджын уавæры байгом, йæ финал æмæ наукон-ахуырадон мадзæлттæ Уæрæсейы зындгонд историктимæ æвдисдзысты комкоммæ эфиры.
Хуымгæнæны 3 бон 16:00 сахатæй 17:30-мæ кадджын уавæры историйæ Æппæтуæрæсеон олимпиадæйы кæронбæттæн къæпхæны байгом (ЦИПУ-йы концертон галуан, Ватутины уынг, 46, трансляци:https://vkvideo.ru/video-9429639_456240384).
Хуымгæнæны 6 бон 16.00 сахатæй 17.00-мæ – наукон-ахуырадон мадзал – МГУ-йы историон факультеты Президент академик Сергей Павлович Карповимæ, уæрæсейаг историк, МГУ-йы доцент Федор Александрович Гайдаимæ, историон наукæты доктор Татьяна Васильевна Черниковаимæ æмæ æндæртимæ. (ЦИПУ-йы концертон галуан, Ватутины уынг, 46, трансляци: https://vkvideo.ru/video-9429639_456240387).
Хуымгæнæны 10 бон 11.00 сахатæй 13.00-мæ ацæудзæн скъоладзауты историйæ Æппæтуæрæсеон олимпиадæйы кæронбæттæн къæпхæны кадджын уавæры бахгæд (ЦИПУ-йы концертон галуан, Ватутины уынг, 46, трансляци https://vkvideo.ru/video-9429639_456240386).
Бæрæгзонæн:
Æрвылаз скъоладзауты Æппæтуæрæсеон олимпиадæйы фæархайынц Уæрæсейы æппт регионтæй фæсивæд 7 милуаны онг. Олимпиадæ арæзт у 4 этапæй, скъолайы, муниципалон, регионалон æмæ кæронбæттæн. Уæлахиздзуаты цы дипломтæй схорзæх кæной, уыдоны фæрцы сын цыппар азы дæргъы бар уыдзæн Уæрæсейы уæлдæр ахуырадон уагдæттæм æнæ фæлварæнтæй бацæуын.
Ацы аз регионалон олимпиадæйы этапы архайдтой 185 мин адæймагæй фылдæр.
Скъоладзауты 2024/25 ахуырадон азы Æппæтуæрæсеон олимпиадæйы кæронбæттæн этапы бынат æмæ æмгъуыд фидаргонд æрцыд Уæрæсейы ахуырады Министрады уынаффæйæ №820 2024 азы Джеоргуыбайы 26 бон.
Скъоладзауты Æппæтуæрæсеон олимпиадæйы кæронбæттæн этапы уæлахиздзаутæн сæ бон уыдзæн архайын нæ бæстæйæ командæтæ кæм æвзардзысты æхсæнадæмон олимпиадæты архайынмæ, ахæм фыццаг æмæ ахуырадон-фæлварæн фембæлдты.
Олимпиадæйы организацион-методикон гæнæнтæ æмæ куыд цæудзæн, ууыл кусы ахуырады методтæ æмæ мидисы Институт (https://instrao.ru/).
Актуалон информаци фенæн ис олимпиадæйы официалон сайтыл (https://vserosolimp.edsoo.ru/).
Северная Осетия впервые принимает финалистов Всероссийской олимпиады школьников