Цæгат Ирыстоны Хетæгкаты Къостайы номыл паддзахадон университеты юридикон факультеты ацыд æхсæнадæмон зонадон-практикон конференци уæрæсеон барады къабæзты æрдзуринаг фарстаты фæдыл æмæ сæ куыд спайда кæнæн ис практикон æгъдауæй.
Конференци байгом пленарон æрбадтæй. Архайджытæн æгас цуйы ныхас загъта ЦИПУ-йы наукон архайды проректор Тенгиз Тиникашвили.
«Абон наукæйы райрæзт, уый фæстæ та, уымæй практикæйы спайдакæнынад, цæуы мультидисциплинарон фæндагыл. Зын у ссарын фарст, æрмæстдæр иу къабазмæ чи хауы, фылдæр хатт æмдзу фæкæны æндæртимæ. Уымæ гæсгæ нæ абоны конференци здæхт у барадхъахъхъæнынад æмæ æндæр наукæты ‘хсæн хъæугæ уынаффæ ссарынмæ. Фидæны юристтæн тынг ахсджиаг у æндæр дæсныйæдтæм дæр хъус дарын, цæмæй сæ æппæтвæрсыг специалисттæ рауайа. Уымæ гæсгæ уын мæ зæрдæ зæгъы, цæмæй уæндонæй фæрсат æмæ конференцийы куысты уæ фæрстытæн дзуæппытæ райсат!», – загъта Тенгиз Тиникашвили.
Офлайн æмæ онлайны хуызы сæ докладтæ бакастысты æввахс бæстæты æмæ РЦИ-Аланийы паддзахадон хицауад æмæ зонадон æхсæнады минæвæрттæ. Цæгат æмæ Хуссар Ирыстонты барадхъахъхъæнæн къабæзты æмахастыты тыххæй йæ раныхасы дзырдта юстицийы 3 къласы паддзахадон уынаффæгæнæг Собаев Григорий.
Конференци ахæццæ кодтой тематикон секциты, æрныхас дзы кодтой уголовон æмæ административон актуалон фарстатыл.
В СОГУ прошла юридическая конференция по вопросам развития правовой науки