ЦИПУ-йы анатоми, физиологи æмæ ботаникæйы кафедрæйы кусджытæ Уæрæсейы наукæты академийы Ботаникон институты ахуыргæндтимæ иумæ сбæрæг кодтой ног, раздæр Цæгат Ирыстоны æмæ Кавказы территорийыл кæй не ‘рфыстой, ахæм хъуынагæрдæгхуыз зайæгойтæ.
Фæстаг азты дæргъы ахуыргæндтæ аразынц бирæ экспедицитæ Кавказы территорийыл, Цæгат æмæ Хуссар Ирыстонты. Иртасджытæ кусынц уæззау уавæрты хæхты, уым цалдæр боны дæргъы иртасынц æппæты дарддæр æмæ зындæр бацæуæн бынæтты зайæгойтæ.
2023-24 азты экспедициты Цæгат æмæ Хуссар Ирыстонты хæххон бынæтты сæмбырдгонд æрмæджыты лæмбынæг равзæрсты хатдзæгтæм гæсгæ ахуыргæндтæн сæ бон баци сбæрæг кæнын зайæгойты хуыз.
Хъæриуы хохы фæхстыл денджызы æмвæзæй 2500 метры уæлдæр иртасджытæ рабæрæг кодтой хъуынагæрдæг Bryoerythrophyllum inaequalifolium (Taylor), зæххы къорийы æндæр бынæтты зындгонд у, фæлæ мах регионы раздæр никуы уыд бæрæггонд. Уымæй уæлдай ма, Цæгат Ирыстонæн ног чи у, ахæм хъуынагæрдæджы дыууæ хуызы хауынц Dicranum и Lewinskya хуызтæм æмæ сæ сбæрæг кодтой Къæйхохыл.
Хуссар Ирыстоны ахуыргæндтæ ссардтой ног бынæттæ алы сфагнумхуыз хъуынагæрдæджытимæ. Ахæм уникалон реликт фенæн ис Эрцъойы цады алыварс. Цы зайæгойтæ ссардтой, уыдонмæ гæсгæ ис рапарахат кæнæн регионы кæрдæджыты бирæхуызы равдыст æмæ ботаникæйы къабазы дарддæры иртасыны ахсджиагдзинад
Ученые СОГУ выявили реликтовые растения, не встречавшиеся ранее в Северной и Южной Осетии