Цæгат Ирыстоны Хетæгкаты Къостайы номыл паддзахадон университеты ацыд Æппæтуæрæсеон акци «Уæлахизы диктант» – Цытджын Уæлахизы 80-æм азы кадæн историон диктант.
Нæ республикæйы историон тест ныффыссынмæ бацæттæ кодтой дыууæсæдæ дыууын фæзуаты. ЦИПУ-йы фæзуаты алы факультетты студентты ‘хсæн сæ зонындзинæдтæ сбæрæг кодтой 70 адæймаджы.
Архайджытæн раарфæ кодтой историон факультеты декан Плиты Зæлинæ æмæ Уæрæсейы историйы кафедрæйы доцент Цæрикъати Алан.
«Уæлахизы диктант» арæзт у 25 фарстæй. Баст сты сæйраг тохтæ мæ Фыдыбæстæйы Стыр Хæсты хъайтартимæ, легендарон хæцæнгарз æмæ хæрзиуджытимæ, хæстимæ баст культурæ æмæ аивадон хæзнатимæ. 2025 азы фæрстыты иу блок снысан кодтой Сæрмагонд Хæстон Операцийы цаутæн.
