ЦИПУ-йы физикон-техникон факультеты дыууæ студенты бацахстой фыццаг бынæттæ советаг физик, æрдзон наукæты райрæзтмæ зынгæ бавæрæн бахæссæг, Дедегкати Тазреты номыл преми райсыны 15-æм Æппæтуæрæсеон æрвылазон наукон-иртасæн куыстыты конкурсы.
Конкурсы фæлгæтты на бæстæйы алы регионтæй уæлдæр ахуыргæнæн уагдæтты студенттæ бацæттæ кæнынц докладтæ алыхуызон иртасæн темæтыл. Экспертон къамис, нæ бæстæ æмæ нæ республикæйы зындгонд ахуыргæндтæ, аргъ дæттынц иртасæны хатдзæгтæн æмæ йæ оригиналондзинадæн. Конкурсы уæлахиздзауты схорзæхджын кæндзысты дипломтæй, грамотæтæй æмæ æхцайы премийæ.
Кучиты Ян, 4-æм курсы студент, йæ куысты равзæрста Унруйы эффект – теоретикон физикæйы фæзынд, вакуумæн хъарм тæмæнкалды гæнæн кæй ис цырен змæлæг цæстдарæгимæ абаргæйæ. 3-æм курсы студент Гена Чулухадзейы куысты нысан та уыд авджы зды-силикатон миниуджыты фæдыл. Дыууæ доклады дæр бахаудысты «Физика»-йы номинацимæ.
Дедегкати Тазреты номыл преми райсынæн конкурс снысан кодтой 2010 азы, арæзт у физикæ, математикæ, информатикæ æмæ микроэлектроникæйыл æнувыд чи у, уыцы курдиатджын студентты, аспирантты æмæ æрыгон ахуыргæндты рабæрæг кæнынæн.
Студенты СОГУ стали стали обладателями премии имени Тазарета Дедегкаева