Пятигорскы Уæрæсейы историон æхсæнады регионалон хайæдты форумы байгом ЦКФЗ УИÆ Центр. Архайдта дзы ЦИПУ-йы историон факультеты декан, Цæгат Ирыстоны Уæрæсейы историон æхсæнады Регионалон хайады Советы сæрдар Плиты Зæлинæ.
Форум сси историйы нырыккон актуалон расидтытыл æрныхасы фæзуат æмæ æрæмбырд кодта УИÆ-ы регионалон хайæдты 30 минæварæй фылдæр. Фембæлды раныхас кодта Уæрæсейы Федерацийы уæлдæр ахуырад æмæ наукæйы Министры хæдивæг, Уæрæсейы историон æхсæнады æмсæрдариуæггæнæг Константин Могилевский. Уый фæнысан кодта тагъд ивæг технологитæм æмæ информациимæ куысты ног методтæм историон наукæты æрцахуыр.
Форумы рæстæг официалонæй снысан кодтой Цæгат-Кавказаг федералон зылды Уæрæсейаг историон æхсæнады Центр, уый уыдзæн Кавказы ахуырадон, рухсадон æмæ наукон-иртасæн куысты координацийы ахсджиаг цæджындз. Центры руаджы фидаргонд цæудзысты ахуыргæндты ‘хсæн бастдзинæдтæ, парахатгонд цæудзысты регионты ‘хсæн наукон æмæ культурон æмгуыстад æмæ Цæгат-Кавказаг зылды университетты ‘хсæн ахастдзинæдтæ.
«Центры куыст здæхт уыдзæн иумæйаг наукон мадзæлттæ аразынмæ, фæлтæрддзинадæй хай кæнынмæ æмæ æхсæнадæмон æмгуыстады райрæзтмæ. Уæлдай цæстдард цæудзæн кавказаг наукæты иртасæнтæ фидар кæнынмæ, регоионы историон æмæ культурон бынтæ бахъахъхъæнынæн та уый у стыр нысан», – загъта Плиты Зæлинæ.
Уымæй уæлдай, форумы Плиты Зæлинæ бакаст йæ доклад Скæсæйнаг наукæты райрæзты гæнæнтыл æмæ йæ хицæндзинæдтæй пайдакæнынад Цæгат Ирыстоны, истори иртасджыты хъус æрдарын нæ бæстæйæн ацы стратегион ахъаззаг къабазмæ.
Афтæ йæ докладимæ раныхас кодта Уæрæсейы историон æхсæнады Правленийы сæрдар, центр байгом кæнынмæ чи сразæнгард кодта, уыдонæй иу – Гæгкуты Руслан. Уый фæнысан кодта, Уæрæсейаг историон æхсæнады мадзæлттæ æмæ регионалон хайæдтæ фылдæр кæй кæнынц, уымæ гæсгæ куыст фæхуыздæры фæдыл сæвзæрд федералон зылдты центрты байгомы фæндон.
Цæгат-Кавказаг федералон зылды Уæрæсейы историон æхсæнады Центр уыдзæн ахсджиаг цæджындз историон наукæ æмæ ахуырадæн нæ бæстæйы ацы регионы.
Центр Российского исторического общества СКФО открылся в Пятигорске