Æрбадты фæткы уыдысты ахæм фæрстытæ, куыд: уæлæмхасæн ахуырад, фæсарæйнаг студенттимæ куысты арæзт, нæукон дæсныйад æмæ административон фæрстытæ.
Уымæй уæлдай ма хорзæхджынгонд æрцыдысты университеты кусджытæ æмæ ахуыргæнджытæ.
Æрбацæуæг адæм раарфæ кодтой Мæхæмæтты Ахуырбекæн «Дзæуджыхъæуы кадджын гражданин»-ы ном ын кæй радтой, уый фæдыл. Ахæм уынаффæ хаст æрцыд Джæуджыхъæуы АМС-ы хуымгæнæны мæйы æрбадты хатдзæгтæм гæсгæ.
Йæ бирæ азты дæргъы цæсгомджын фæллойы, йæ куыстмæ бæрнон ахасты тыххæй зæрдиаг арфæтимæ Республикæ Цæгат Ирыстон-Аланийы Сæргълæууæджы арфæйы писмойæ схорзæхджын кодтой 4-æм ахуыргæнæн корпусы комендант Елети Викторы.
Республикæ Цæгат Ирыстон-Аланийы экологи æмæ æрдзон ресурсты Министрады грамотæйæ хорзæхджынгонд æрцыд биологон наукæты доктор, хими, биологи æмæ биотехнологийы деканы хæстæ рæстæгмæ æххæстгæнæг Хетæгкаты Хетæг.
ЦИПУ-йы кадджын грамотæтæй схорзæхджын кодтой, 40 азæй фылдæр чи кусы университеты хими, биологи æмæ биотехнологийы факультеты, уыцы ахуырадон æххуысы кусджыты:
иумæйаг æмæ æнæорганикон химийы кафедрæйы ахуырадон дæсны Хъуылаты Сæлимæт;
зоологи æмæ биоэкологийы кафедрæйы музейы сæргълæууæг Мæрзойты Тамарæ;
æнæорганикон химийы кафедрæйы ахуырадон дæсны Андрей Горбунов.
Афтæ, бирæ азты дæргъы сæ æнтыстджын педагогон, æхсæнадон æмæ наукон куысты тыххæй, бæрзонд квалификацийы аккаг специалисттæ æмæ наукон-педагогон кадртæ бацæттæ кæныны стыр бавæрæн чи бахаста, уыцы кусджыты схорзæхджын кодтой ЦИПУ-йы Кады грамотæтæй:
- математикæ æмæ компьютерон зонæдты факультеты алгебрæ æмæ анализы кафедрæйы профессор Хуыбежты Шалва.
• психологон-педагогон факультеты педагогон ахуырады кафедрæйы профессор, педагогон наукæты доктор Кокайты Иринæ.
• педагогон наукæты кандидат, психологон-педагогон факультеты педагогон ахуырады кафедрæйы доцент, Хадыхъаты Инессæ.
• уырыссаг филологийы факультеты уырыссаг æмæ фæсарæйнаг литературæйы кафедрæйы сæргълæууæг Ханайты Зæринæ.
• хими, биологи æмæ биотехнологийы факультеты анатоми, физиологи æмæ ботаникæйы кафедрæйы доцент, хъæууонхæдзарадон нæукæты кандидат Никколти Беллæ.
• географи æмæ геоэкологийы факультеты физикон æмæ социалон-экономикон кафедрæйы хистæр ахуыргæнæг Туаты Гиви.
• географи æмæ геоэкологийы факультеты экологи æмæ æрдзонпайдакæнынады кафедрæйы доцент, биологон наукæты кандидат Бекмæрзти Алан.
• экономикæ æмæ управленийы факультеты экономикæйы кафедрæйы сæргълæууæг Ситохаты Татьянæ
• экономикæ æмæ управленийы факультеты декан Геннадий Родионов
• физикон культурæ æмæ спортивон хъæзтыты теоретикон æмæ медикон-биологон бындуры кафедрæйы доцент, педагогон наукæты кандидат Пухаты Елизаветæ.
