Санкт-Петербурджы цæуы XIII æхсæнадæмон юридикон форум, уæрæсейаг ахуыргæндты æмрæнхъ дзы архайы ЦИПУ-йы уголовон барад æмæ процессы кафедрæйы доцент, юридикон наукæты кандидат Хъараты Лорæ.
Форум у егъау дунеон фæзуат юристтæн, паддзахадон архайджытæн æмæ бизнесы минæвæрттæн профессионалон æрныхасæн. Форум традицион æгъдауæй баиу кодта дунейы алы паддзахæдтæй мингай минæвары, экспертизæйæ дих кæнынмæ чи тырны æмæ нырыккон юриспруденцийы актуалон проблемæтыл æрдзурын кæй фæнды, уыдоны.
ЦИПУ-йы доцент Хъараты Лорæ куыд загъта, афтæмæй форумы уæлдай хъусдард цыдис æхсæнадæмон барады фæрстытæм æмæ глобалон процессты цы бынат ахсы, уымæ. Бирæ мадзæлтты ‘хсæн бæрæг дардта Михаил Швыдкойы сарæзт тематикон сесси «Юридическое наследие Победы в Великой Отечественной войне: историческое значение и современные вызовы».
«Ацы фембæлд мын мæ зæрдæ баризын кодта. Спикертæ дзырдтой, фылдæр цæстдард цæмæй цæуа æхсæнадæмон барадмæ, æхсæнадæмон аренæйыл кризисон фæзындты наукон-практикон раиртæстытæм. Æхсæнадæмон барад амонынæн ног мадзæлттæ кæй хъæуы», – загъта Хъараты Лорæ.
Лорæ ма фæбæрæг кодта, нæ бæстæйы уæлдæр ахуырадон уагдæтты æмæ фæсарæйнаг партнеры иумæйаг æмгуыстады ахсджиагдзинад. Ахæм фембæлдтæ тынг æххуыс кæй сты барад ахуыр кæнынæн æмæ фидæны барадхъахъхъæнæг фæлтæр хъомыл кæнынæн иумæйаг пълан саразынæн.
«Æппæт бæстæйы уæлдæр ахуырадон уагдæттæм фæсидтысты, цæмæй интеллектуалон локомотивтæ уой. Цард куыд амоны, афтæмæй та ахæм хынцинæгтæ сæххæт кæнынæн хъæуы ахуырадон уагдæттæн иумæ æмгуыст кæнгæйæ. Форумы развæлгъау баныхас кодтам æмгуыстадыл Тюмены паддзахадон университетимæ, В.М.Лебедевы номыл рæсттæрхонады университетимæ, Донбасы юстицийы паддзахадон университетимæ», – фæнысан кодта доцент.
Уый æххуыс уыдзæн нæ Фыдыбæстæйы уæлдæр юридикон ахуырад хуыздæр амонынæн æмæ æнæфæцудгæ бастдзинад сæвзæрыны райрæзтæн.
Преподаватель СОГУ участвует в Петербургском международном юридическом форуме