Цæгат Ирыстоны Хетæгкаты Къостайы номыл паддзахадон университеты ацыд æрвылазон акци – глобалон диктант ирон æвзагæй.
Нæ университеты мадæлон æвзагæй сæ зонындзинæдтæ равдисынмæ æрбацыдысты алы факультеттæй студенттæ. Ирон æвзагæй диктант фыстой канд нæ республикæйы цæрджытæ нæ, фæлæ ма ацы аз фыццаг хатт Кæсæг-Балхъары æмæ Хъæрæсе-Черкесы республикæты, стæй, Турчы цæрæг ирæттæ дæр хайад истой сарæзт мадзалы.
«Ирон бинонтæ» – ацы текстмæ гæсгæ фыстой архайджытæ диктант. Бакасти йæ Беслæны 6-æм скъолайы ирон æвзаг æмæ литературæйы ахуыргæнæг Æмбалты Валерия.
Мадзал сарæзтой Ирон æвзаг æмæ литературæйы бонмæ, бæрæг æй кæнынц 15-æм майы. Бацæттæ йæ кодта Цæгат Ирыстон-Аланийы республикæйы Ахуырад æмæ наукæйы министрад.
