Хамихъоти Айзæ ЦИПУ-йы æхсæнадæмон ахастыты факультет каст фæцис «Лингвистикæ»-йы хайады. Призер сси номинаци «Педагогон дебют»-ы.
Айзæ схъомыл ахуыргæнджыты бинонты. Ныртæккæ кусы англисаг æвзаджы ахуыргæнæгæй Архонкæйы Советон Цæдисы Герой В.Д.Коняхины ном хæссæг 2-æм скъолайы. Ис æм Cambridge Assessment English æртæ сертификаты.
«Хамихъоти Айзæ у активон, алывæрсыг æмæ æппынæдзух йæхиуыл кусæг. 2-æм курсы ахуыр кæнгæйæ кусын райдыдта Архонкæйы скъолайы. Уый йæ нæ бахъыгдæрдта йæ ахуыр иттæг хорз бæрæггæнæнтимæ фæуын æмæ сырх диплом райсын. Тынг хорз зоны æвзаг æмæ йæ бон суыдзæн йæ профессийы хорз специалист суæвын», -мысы Айзæйы англисаг æвзаджы кафедрæйы сæргълæууæг Джерапты Надеждæ.
«Куыстуарзаг æмæ нысанмæ тырнæг. Кусын æмæ ахуыр кæнын иттæг хорз мах факультеты, уый æнцон нæу. Айзæйæн та бантыст уый. Сæрыстыр дзы дæн!», – загъта æхсæнадæмон ахастыты факультеты декан Сихъоты Мæдинæ.
Раздæр куыд фехъусын кодтам, афтæмæй номинаци «Педагогон дебют»-ы уæлахиздзау ма сси ЦИПУ рауагъдон Калоты Аслан. Уый бакалавры къæпхæн райста æхсæнадæмон ахастыты факультеты «Лингвистикæ»-йы хайады, магистры къæпхæн та райста психологон-педагогон факультеты программæ «Ахуырадон уагдоны разамонæг»-мæ гæсгæ. Конкурс «РЦИ-Аланийы хуыздæр педагог»-ы хайад истой Дзæуджыхъæуы ахуырадон уагдæттæй 98 ахуыргæнæджы. Ерыс кодтой гом уроктæ, мастер-класстæ æмæ æхсæнадон раныхас аразынæй. Конкурсы хатдзæгтæм гæсгæ 6 номинацийы равзæрстой сæ хъуыддаджы иттæг хорз чи арæхсы ахæмты: «Хуыздæр къласы разамонæг», «Педагог-психолог», «Хуыздæр ахуыргæнæг», «Педагогон дебют», «Хуыздæр хъомылгæнæг», «Хуыздæр дæсны».
Выпускница СОГУ — призер конкурса «Педагог года РСО-Алания – 2025»