Цæгат Ирыстоны спортивон цæттæдзинады Центры кæронмæ æрхæццæ Националон студентон лигæ хъæбысхæстæй, ЦИПУ-йы студенттæ дзы рамбылдтой сызгъæрин, æвзист æмæ бронзæ майдантæ.
Спортсментæ ерыс кодтой хъæбысхæсты æртæ хуызы: уæгъдибар, грекъаг-ромаг æмæ сылгоймæгты ‘хсæн.
Уæгъдибар хъæбысхæстæй уæлахиздзау сси Кцойты Алихан (97 кг), æвзист майдан райста Кцойты Хъантемыр (65 кг) æмæ бронзæ – Алексей Антипин (57 кг), Къомайты Фæрнæг (65 кг), Харысхан Баппагай (125 кг) æмæ Тæугæзты Ирбег (125 кг).
Грекъаг-ромаг хъæбысхæстæй ЦИПУ-йы студенттæ рамбылдтой æртæ бронзæ майданы: Абациты Рустем (60 кг), Годжыцаты Георгий (82 кг) æмæ Мæрзойты Аскар (87 кг).
Сылгоймæгты ‘хсæн хъæбысхæсты фыццаг бынат бацахста Кæсæбиты Алинæ (62 кг), æртыккаг бынат бацахстой: Сохиты Аринæ (55 кг), Демыраты Дилярæ (62 кг) æмæ Танделаты Аминæ (65 кг).
Чемпионат ацыд 7-9 майы РЦИ-Аланийы спортивон цæттæдзинады Центры. Хайад дзы истой 200 спортсменæй фылдæр Уæрæсейы Федерацийы 19 регионæй.
Студенты СОГУ завоевали 13 медалей на чемпионате по спортивной борьбе среди студентов