Сочийы Сырх Фæзы ацыд Фундаменталон физикæ æмæ математикæйы МФТИ сæрдыгон скъола. ЦИПУ-йы математикæ æмæ компьютерон зонæдты факультеты фондз студенты дзы рæгъмæ рахастой сæ зонадон иртасæнтæ.

Скъолайы архайдтой нæ бæстæйы 170 скъоладзауæй фылдæр. Æрныхас дзы кодтой фундаменталон физикæ æмæ математикæйы алыхуызон фæрстытыл: нымæцтæ æмæ алгебрæйы теорийы проблемæтæй суанг квантон теори æмæ квантон механикæйы хынцинæгтæм.

Цæгат Ирыстонæй минæвæрттæ уыдысты ЦИПУ-йы математикæйы факультеты 2-аг æмæ 3-аг курсыты студенттæ – Илья Кузнецов, Талханаты Давид, Резуан Деунежев, Дауыраты Сюзаннæ æмæ Тедеты Янæ. Студенттæ мæйы дæргъы куыстой ахуырадон программæйы фæлгæттæй дард чи ахызт, ахæм æрмæгыл. Наукон разамонджытæ уыдысты факультеты ахуыргæнджытæ – физикон-математикон наукæты кандидаттæ Плиты Марат æмæ Гутнаты Алинæ.

Кузнецов Илья йæ доклады равдыста Фрейманы интегралтимæ баст физикон нымады бæлвырд математикон бындур. Ахæм банымад ахсджиаг у теоретикон физикæйы бирæ хæйтты.

Æнæрæнхъон операторты радон сконды, абстрактон математикæ æмæ йæ уæлæмхасæнмæ гæсгæ сæрмагонд чи у, ахæм æрфыст йæ куысты скодта Талханаты Давид. Цы хатдзæгтæ скодта йæ куысты, уыдон уыдзысты тынг пайда алы сæвзæрд физикон фæзындтæ хынцгæйæ.

Æнæзмæзгæ стъæлфы теори æмæ сферæйы гомологон къордты раиртæст бацæттæ кодта Деунежев Резуан. Йæ куысты, иу доклады фæлгæтты йæ бон баци баиу кæнын кæрæдзимæ ныхмæлæуд дыууæ темæйы: бирæвæрсыг сферæйы геометрион миниуджытæ æмæ æнæуромгæ функциты аналитикон миниуджытæ. Анализ æмæ геометри цы скъоладзаутæ ахуыр кæнынц, уыдонæн ацы темæ у тынг цымыдисаг.

 «Индекс Фредгольма и спектр компактного оператора», ахæм темæйыл доклад бацæттæ кодта Дауыраты Сюзанна.  Йæ куысты фæнысан кодта, хæрз æрæджы чи сæвзæрд, индексы топологион æмбарынады бастдзинад ахæм классикон æмбарынадимæ, куыд операторы спектр. Спектры æмбарынад фенæн ис 19 æнусы математикты куыстыты, индексы теорийæ куыстытæ та ахæссæн ис 20 æнусы дыккаг æмбисмæ. Теорийы индекс æмæ операторты спектралон миниуджытæ сты ахсджиаг æмæ хъус æрдарыны аккаг.

Тедеты Яна йæ иртасæн куысты æркаст геометрийы æмраст æмбырдгæндты бастдзинад æнæхъæн æмæ дывæрсыг арифметикон миниуджытимæ. Ацы хæслæвæрд хауы, нырыккон арифметикæйы  фундамент уæвæг Фермы цытджын  теоримæ.

Студенты СОГУ выступили с докладами на физико-математической научной школе в Сочи