ЦИПУ-йы Ахуыргонд советы залы ацыд экономикон зонæдты кандидат æмæ докторы къæпхæн бахъахъхъæнынæн диссертацион советы æрбадт. Рæгъмæ рахастой экономикон зонæдты докторы æмæ 3 кандидатон куысты.
Æрбадт байгом кодта ЦИПУ-йы экономикæ æмæ разамынды факультеты профессор Галазты Светланæ. Сæ дипломтæ радта, раздæр чи бахъахъхъæдта сæ куыстытæ экономикон зонæдты кандидаты къæпхæнмæ, уыдонæн: ЦИПУ-йæ Надежда Преснякова æмæ Левон Бабаян, Хуссар федералон университетæй Александр Лапин æмæ Кубаны паддзахадон университетæй Кристинæ Охезина.
Æрбадты ма бахъахъхъæдта докторы диссертаци ЦИПУ-йы финансты, бухгалтерон хыгъд æмæ хъалонæвæрды кафедрæйы доцент Галазты Маринæ дæр. Йæ куысты темæ 5.2.4 – Финансты-йы дæсныйадæй «Финансовый инструментарий управления качеством активов корпораций: теория, методология, практика».
Уымæй уæлдай, кандидатон диссертацитæ бахъæхъхæдтой:
- Рузанна Схаплок, ЦИПУ-йæ, йæ темæ: «Особенности и инструментарий реализации региональной экономической политики», дæсныйад 5.2.3 – Регионалон æмæ хайадон экономикæ: регионалон экономикæ;
- Хацырты Эльмар, Ессентукийы разамынд, бизнес и барады институтæй, йæ темæ: «Развитие институциональной среды как фактор экономического роста в современной России», дæсныйад — 5.2.1. Экономикон теори;
- Санахъоты Михаил,ЦИПУ-йæ, йæ темæ «Достаточность собственного капитала банка в условиях внедрения новых финансовых технологий», дæсныйад – 5.2.4. Финанстæ.
Æрбадты архайдтой ЦИПУ-йы диссертацион советы уæнгæ, наукон разамонджытæ, рецензенттæ æмæ оппоненттæ.
