Цæгат Ирыстоны Хетæгкаты Къостайы номыл паддзахадон университеты ректор Огъуаты Алан фембæлд профориентацион проект «Ахуыргæнæг: бантысты истори»-йы архайджытимæ æмæ, скъолайы чи кусы, университеты уыцы студенттимæ.

Фембæлд ацыд зæрдæхæлар уавæры, ахуыргæнæгæй кусын чи райдыдта, уыцы студенттæ дзырдтой сæ профессионалон фæлтæрддзинадыл, сæ куысты зындзинæдтыл æмæ æрныхас кодтой нырыккон скъолаты уыцы зындзинæдтæ куыд аиуварс кæнæн ис, ууыл.

Æрыгон специалисттæ куыд фæбæрæг кодтой, сæйрагдæр зындзинæдтæй иуыл нымайынц 7-8-æм кълæстимæ куыст, уыцы кары скъоладзаутæ цæуынц сæрмагонд рæзты вазыгджын къæпхæн. Æрыгон ахуыргæнджытæн арæх сæ бон нæ фæцæуы сæ цæхгæр цæстæнгасыл, сæ эмоционалон уавæрыл, сæ ныхмæлæудыл. Хуыздæр уыдаид, æрыгон педагогтæн скъолайы администраци райдайæн кълæстимæ кусыны бар куы дæттид.

Бирæтæ басастысты, кæй æййафынц зындзинæдтæ ахуыргæнинæгты ныййарджытимæ ныхас кæнгæйæ. Ныййарæгæн йæ сывæллоны æнæпълан хи дарыны æмæ æвзæр бæрæггæнæнтæ райсыны тыххæй фехъусын кæнын домы сæрмагонд хæдæгъдаудзинад. Æрыгон ахуыргæнджытæм уыцы фæлтæрддзинад нæма вæййы æмæ сын тынг зын вæййы ныййарджытимæ ныхас кæнгæйæ.

Фембæлды ма ныхас цыдис фæлтæрдджын ахуыргæнджыты æххуысыл æрыгон педагогтæн. Фыццаг аз чи фæкусы, уыдоны тынг фæхъæуы профессионалты æххуыс конфликтон уавæртæ æвзаргæйæ, урок амоныны методикæйы фæзилæнтимæ базонгæ кæнынымæ, къласимæ иумæйаг æвзаг ссарынмæ. Уыдæттæ сын зынгæ фенцондæр кæниккой сæ куыст.

«Махæн тынг нæ фæфаг кæны фæлтæрд педагогты æххуыс ныхмæлæуд уавæрты кæнæ сывæллæттимæ куысты хъæугæ методикæ æвзарынмæ», – загъта архайджытæй иу.

Ректор раарфæ кодта сеппæтæн дæр се ‘ууæнкдзинады тыххæй æмæ æргомæй ахæм фарстатыл æрдзурынмæ цæттæ кæй сты. Бахаста фæндон университеты байгом кæнын æрыгон ахуыргæнджытæн клуб. Йæ фæзуаты сæ бон уыдзæн дзурын сæ фæлтæрддзинадыл. Уæлæмхасæнæн та ис тагъд æххуысы фæрæзы руаджы ног кусджытæн психологон æххуыс бакæнын æмæ сын бахъуыды рæстæг тагъд æмæ афоныл хъæугæ консультаци раттын ахуырады фарстаты.

Ахуыргæнджытæн рæкторы хъæппæрис сæ зæрдæмæ тынг фæцыд æмæ йын республикæйы фидæны педагогтæм æнувыд ахасты тыххæй загътой бузныг.

Клуб молодых учителей и горячая линия для педагогов откроются при СОГУ