Цæгат Ирыстоны паддзахадон университетæн йæ бон уыдзæн исæн къамисы фæлгæтты 2838 фидæны студенты райсын, йæ куыст райдайдзæн хурхæтæны мæйы 20 бон.
Рауагъдонтæн сæ гæххæттытæ ЦИПУ-мæ бадæттæн ис 15 факультетмæ алы цæттæдзинады программæтæм гæсгæ.
2025 азы исыны нымæцтæ:
- Абитуриенттæн сæ бон уыдзæн бадæттæн сæ гæххæттытæ бакалавриаты программæтæй 43 цæттæдзинады здæхтмæ, специалитеты программæтæй 6 цæттæдзинады здæхтмæ æмæ магистратурæйы программæтæй 33 цæттæдзинады здæхтмæ;
- Контролон нымæцтæм гæсгæ 2025 азы райсдзысты ЦИПУ-мæ бакалавриат, специалитет æмæ магистратурæйы программæтæм гæсгæ 891 бюджетон бынаты.
- 2025 азы рахицæн кодтой 1947 фидгæ ахуырады бынæттæ. Алы цæттæдзинады здæхтæн дæр ис йæхи бæрц – уый ууыл дзурæг у, æмæ цы æмбæлы, уымæй фылдæр нæ уыдзæн райсæн. Фидгæ ахуырадмæ бацæуын уыдзæн баллтæм гæсгæ æмæ фидыд бафыссыны фæстæ.
- Хицæн квотæмæ гæсгæ ЦИПУ рахицæн кодта 95 бынаты. Уыцы бынæттæм æнæ ЕГЭ æмæ бацæуæн фæлварæнтæй сæ бон уыдзæн бахауын Уæрæсейы Федерацийы Хъайтартæ (ома Лæгдзинады æртæ орденæй кæй схорзæх кодтой), СХО архайджыты сывæллæттæ æмæ æндæр уæлбарджын категориты адæм.
Афтæ, 2025 азы ЦИПУ абитуриенттæн равзарынмæ бацæттæ кодта 10 ног цæттæдзинады здæхтытæ:
Бакалавриаты ног цæттæдзинады здæхтытæ сты:
- Практикон математикæ æмæ физикæ, профиль «Конвергентон НБИК-технологитæ»,
- Биологи, профиль «Бындурон æмæ медицинон биологи»,
- Арæзтад, профиль «Арæзтады пълан»,
- Продукцийы технологи æмæ æхсæнадон хæрæндоны арæзт, профиль «Продукцийы технологи æмæ ресторанты куысты арæзт»
- Педагогон ахуырад (дыууæ цæттæдзинады профилимæ), профильтæ: «Географи. Уæлæмхасæн ахуырад (Туризм)»
Магистратурæйы ног цæттæдзинады здæхтытæ сты:
- Практикон математикæ æмæ физикæ, программæ «Æрдзæнгæс конвергентон технологитæ»
- Геологи, программæ «Гидрогеологи, инженерон геологи æмæ геокриологи»,
- Техносферон æдасдзинад, программæ «Экологон æдасдзинад æмæ объектты инженерон экспертизæ»
- Экономикæ, программæ «Экономикæ æмæ бизнесы райрæзты разамынд»
- Педагогон ахуырад, программæ «Педагогикæ æмæ психологи уæлдæр скъолайы».
2025 азы абитуриенттæн университетмæ сæ бон уыдзæн бахауын бацæуыны фидыдмæ гæсгæ, аттестаты æмæ æндæр ахуырады гæххæты къопимæ гæсгæ. Абитуриентты исгæйæ фæхынцынц, сæ курдиæтты сæйрагдæр цы цæттæдзинады программæтæ фæнысан кæнынц, уыдонмæ гæсгæ.