Цæгат Ирыстоны паддзахадон университеты ректор Огъуаты Алан схорзæхджын кодта физикон-математикон наукæты доктор, профессор Хъойбайти Владимиры ЦИПУ-йы кады гæххæтæй æмæ фехъусын кодта, ахуыргонды кæй балæвæрдтой «Заслуженный работник образования в Республике Северная Осетия – Алания»-йы ном райсынмæ.
«Владимир у нæ университеты легендæ, йæ уд. Цы егъау бавæрæн бахаста нæ студенттæ æмæ аспиранттæ цæттæ кæнгæйæ – уый у, абон кæуыл æнцой кæны нæ университет, уыцы фидæнмæ стыр бавæрæн. Университеты чи кусы, уыдонæй алы ахуыргæнæджы, ахуыргонды æмæ иртасæджы бавæрæн», – загъта Огъуаты Алан.
Хурхæтæны мæйы 8 бон Хъойбайти Владимирыл сæххæст 70-азы. Уыцы бонмæ йе ‘мкусджытæ бацæттæ кодтой наукон конференци, архайдтой дзы Уæрæсейы регионтæй зынгæ математиктæ æмæ алгебраисттæ. Регионы ахуырад æмæ наукæйы райрæзтмæ зынгæ бавæрæн бахастыл дзургæйæ, архайджытæ фæнысан кодтой профессоры разамынд стыр æмвæзадыл кæй ис. Уый та бæрæг дары æрыгон иртасджытыл æмæ ахуыргæндты ног фæлтæр бацæттæ кæныныл.
Конференцийы сæ докладтæ бакастысты :
Виктор Мазуров – физикон-математикон наукæты доктор, профессор, РАН-ы член-корреспондент,
Александр Махнев – физикон-математикон наукæты доктор, профессор, РАН-ы член-корреспондент,
Анатолий Кондратьев – физикон-математикон наукæты доктор, профессор,
Марианна Зиновьева – физикон-математикон наукæты кандидат,
Арчил Журтов – физикон-математикон наукæты доктор,
Урусби Пачев – физикон-математикон наукæты доктор.
Хъйбайти Владимирæн йæ наукон куыстытæ сты 120 фылдæр, активонæй разæнгард кæны студентты наукæмæ, аразы алгебраикон æрбадтытæ, æххуыс кæны студенттæн наукон куысты.
