ЦИПУ-йы шахматты æхсæнады астаздзыд ахуырдзау Хасаншин Дамир сси Уæрæсейы чемпион шахматтæй. Рухæны мæйы Казахстаны Уæрæсейы номæй архайдзæн дунеон чемпионаты.

Хасаншин Дамир æхсæз азæй ахуыр кæны ЦИПУ-йы шахматты клубы. Йæ тренер у Тигран Назаретян. Æрæджы бацахста дыккаг бынат Уæрæсейы турниры Кастормайы. 11 баллæй райста 9,5 æмæ йæ кармæ гæсгæ сси Уæрæсейы чемпион. Æдæппæтæй турниры архайдтой 294 лæппуйы æмæ 131 чызджы Уæрæсейы 60 регионæй, уыдоны хыгъд Донецкы æмæ Луганскы адæмон республикæтæ.

Ныр Дамир Уæрæсейы номæй ерыс кæндзæн дунейы чемпионаты шахматтæй Алматайы (Казахстан) 2025 азы рухæны мæйы 18-æм бонæй кæфты мæйы 1-æм бонмæ. Архайджытæ ерыс кæндзысты сæ кармæ гæсгæ: 8, 10 æмæ 12 азмæ лæппутæ æмæ чызджытæ (иумæ 6 категорийы).

Дамир тынг курдиатджын æмæ куыстуарзон шахматист у. Йæхиуыл кусы алы бон ахуыры дæр æмæ хæдзары дæр. Ныр бæстондæр хъуамæ цæттæ кæнæм нæхи дунеон чемпионатмæ, – фехъусын кодта Тигран Назаретян.

Уымæй уæлдай ма, Дамиры фæхуыдтой, сусæны мæйы гроссмейстерты æмбырдмæ.

Юный воспитанник шахматного клуба СОГУ представит Россию на чемпионате мира