Цæгат Ирыстоны Мамысоны кæронмæ æрхæццæ къахвæндæгтæ аразынæн фестиваль «Национальная Кавказская тропа», æрæмбырд кодта 450 уазæг æмæ архайæджы, уыдоны ‘хсæн Цæгат-Кавказаг федералон зылдæй æхсæз уæлдæр ахуырадон уагдонтæй студенттæ.
Фестиваль цыд цалдæр боны дæргъы сусæны мæйы 15-æм бонæй 20 бонмæ. Мадзал уыдис ахуырадон трек гидты архайд, туризмæй специалистты, студентты æмæ ахуыргæнджыты баиугонд проект хæхты практикон куыст кæнынмæ æмæ экологион проекттæ аразынмæ здæхт.
Цæгат Ирыстоны Хетæгкаты Къостайы номыл паддзахадон университеты номæй архайдтой 170 студенты. Фæлтæрд кураторты разамындæй – къавæндæгтæн проекттæ аразджытæ, гидтæ, альпинисттæ, ирвæзынгæнджытæ æмæ экологтæ, фæсивæд иннæ архаджытимæ æвзæрстой рельеф æмæ арæзтой къахвæндæгтæ. Дарддæр архайджыты хæс уыдис фæнысан кæнын новигаци, информацион стендтæ, арт-объекттæ æмæ уылæфтæн æмæ къам исынæн бынæттæ.
Сæ кæронбæттæн проекттæ рахастой жюрийы размæ. Цыппар æмбырдгонд командæйы куыстой хицæн къахвæндæгтыл, арæзтой арт-объекттæ æмæ сæ маршруттыл рапарахат кодтой, хъуыды кодтой улæфты бынæттæ æмæ дарддæры цыдыл. Фæсивæд тынгдæр се ‘ргом æрдардтой ирон адæмы культурæмæ, традицитæм æмæ царды уагмæ, спайда кодтой орнаменты элементтæй æмæ сыл фæзынд нарты эпос дæр. Архайджытæ ма спайда кодтой æхсæнадæмон бастдзинæдтæй, зæгъæм, хур у сæрмагонд символ дунейы бирæ культурæты æмæ баст у цард, рухс, хъарм æмæ бæркадимæ.
Конкурсы хатдзæгтæм гæсгæ бынæттæ нысангон æрцыдысты афтæ:
бынат: кæрдæгхуызты командæ
бынат: бурты командæ
бынат: фиалкæхуызты командæ
Гран-при: сырхыты командæ
Командæты алы архайæджы дæр схорзæхджын кодтой фестивалы архайæджы дипломæй æмæ зæрдылдарæн лæвæрттæй ски-пассты хуызы майрæмты мæйы 2-æм бон къахвæндæгты байгомы.
Масштабный фестиваль по созданию туристических троп завершился в Северной Осетии